Ukubilisha

◼ Ulupapulo lwa kutambika mu March: Shalikeni icitabo ca Ukwishiba, bombesheni ukutendeka amasambililo ya Baibolo pa ng’anda. April na May: Shalikeni Ulupungu lwa kwa Kalinda na Loleni! Bakasabankanya kuti baeba abene mayanda ukusangwilako ku mulimo wa mwi sonde lyonse nga balefwaya. Ilyo mwabwelela ku balefwaya ukusambilila, tonteni pa kushalika Icitabo ca Pepeni Lesa Wine Wine Eka. Esheni ukutendeka isambililo lya Baibolo ilya pa ng’anda, maka maka nga ca kuti bamo balisambilila kale icitabo ca Ukwishiba na broshuwa wa Cintu Lesa Afwaya. June: Tambikeni icitabo ca Ukwishiba nelyo broshuwa wa Cintu Lesa Afwaya. Nga ca kutila abene mayanda balikwata kale ishi mpapulo, bomfyeni broshuwa umbi uulingile uo icilonganino cikwete.

◼ Bakasabankanya abalefwaya ukubombako bupainiya bwa kwaafwilisha mu April bafwile ukutendeka ukuiteyanya no kutwala bwangu formu wabo uwa kwipushishapo. Ukucita ifi kukaafwa baeluda ukuteyanya ifilekabilwa mu mulimo wa mwi bala no kumona bamagazini bengakabilwa ne mpapulo. Amashina yonse aya basuminishiwe ukubombako bupainiya bwa kwaafwilisha yafwile ukubilishiwa ku cilonganino cila mweshi.

◼ Amaofeshi ya Nte sha kwa Yehova tayabombela pa maorda ya mpapulo sha muntu umo umo. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa cila mweshi uwa mpapulo ku maofeshi pa kuti bonse abalefwaya ukupokako impapulo bengalembesha kuli munyina abombela ku mpapulo. Kuti cawama ukulaibukisha impapulo shiordwa mu kuibela.

◼ Ulupungu lwa kwa Kalinda mu ciLubale lwatendeke ukufuma lubili pa mweshi ukwambila no lwa January 15, 2003.

◼ Impapulo Shipya Ishilipo:

Bushe Mwakwata Umupashi Uushifwa? (Trakiti 25)—IciChewa, iciTonga, Cibemba, iciNgeleshi, iciFrench, ciKaonde, iciLubale, iciLozi, iciSwahili

Bushe Ifiponena Abantu Fyalilingilwa Libela?—Nelyo Bushe Lesa Akatulubulwisha pa fyo Tucita? (Trakiti 71)—IciTonga, Cibemba, iciLubale, iciLozi

Bushe Ukupya mu Mulilo wa pe na ko Kwaba Bupingushi bwa kwa Lesa? (Trakiti 74)—IciTonga, Cibemba, iciLubale, iciLozi

Bushe Kuti Mwatemwa Ukwishiba na Fimbi Pali Baibolo? (Trakiti 26)—IciChewa, iciTonga, Cibemba

Kuti Mwaba Cibusa wa kwa Lesa!—IciChewa, iciTonga, Cibemba, iciNgeleshi, iciFrench, iciLozi