Ukupitulukamo Kwe Sukulu Lya Butumikishi Ilya Bulesa
Ifipusho fyakonkapo fikapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa June 30, 2003. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa May 5 ukufika June 30, 2003. [Icishibisho: Apashili ica kuloshako, mufwile ukuisapikila pa kusanga ifyasuko.—Moneni icitabo ca Isukulu lya Butumikishi, amabu. 36-7.]
IMILANDILE
1. Mulandu nshi ukwalwile shiwi kwacindamina pa kulanda ilyashi, kabili ici kuti cacitwa shani? [be ibu. 111 umukululo; ibu. 112 umukululo]
2. Nga ca kuti kalanda natetekela ico alesosa kabili alitemwa Yehova, cinshi nalimo ashingacincimukila pa kulanda? [be ibu. 115 amapara. 3-4; ibu. 116 para. 1]
3. Cinshi cikaafwa umo ukulanda ilyashi na bucibusa no kuyumfwa kwa ku mutima, kabili mulandu nshi ici cacindamina? [be ibu. 119 amapara. 1-4]
4. Cinshi cingafwa umuntu ukwishiba ifyo afwile ukucincimuka no kuba ilyo alelanda ilyashi? [be ibu. 120 amapara. 2-5]
5. Cine nelyo Bufi: Ukubomfya umubili no kumoneka kwa cinso kwacindama fye nga ca kuti abo mulelandako balemulolesha. Londololeni. [be ibu. 121 para. 3]
ILYASHI NA. 1
6. Cinshi cayafwile Yoshia ukusala inshila isuma nangu line inkulilo yakwe tayali bwino? (2 Imila. 34:1, 2) [w01 4/15 ibu. 27 amapara. 1-6; ibu. 28 para. 4]
7. Bushe amashiwi yaba pa Amapinda 9:7, 8a, yalola mwi kabili kuti yabomfiwa shani ku butumikishi bwa mwi bala? [w01 5/15 ibu. 29 amapara. 4-5]
8. Ni mwi Yehova aloseshe ilyo aebele abena Israele ukuti, ‘Mwikalaba,’ kabili kuti twataluka shani kukulaba? (Amala. 4:9; 8:11) [be ibu. 20 amapara. 1-3]
9. Ni shani fintu amashiwi ya kwa Davidi aya bufumacumi pa Amalumbo 32:1, 5 na Amalumbo 51:10, 15 yalanga ukuti umuntu tafwile ukuimona ukuti wa cabe cabe pa numa ya kucita ulubembu lwabipisha lelo afwile ukulanga ukulapila kwine kwine? [w01 6/1 ibu. 30 amapara. 1-3]
10. Cinshi twingasambilila ku fyo Paulo alandile pali 1 Timote 5:3-16 pa lwa kusakamana abali mu kukabila? [w01 6/15 ibu. 11 para. 1]
UKUBELENGA BAIBOLO UKWA CILA MULUNGU
11. Ni kuli bani Yesu alelosha ilyo alandile amashiwi ya kuti ‘ukufyalwa libili,’ ayalembwa pali Yohane 3:3? [w95 7/1 amabu. 9-10 amapara. 4-5]
12. Ni mu nshila nshi Yesu abomfeshe amasomo yakwe, kabili lisambililo nshi lyacindama ilyo twingasambilila kuli ici? (Yoh. 7:15-18) [w96 2/1 amabu. 9-10 amapara. 4-7]
13. Mulandu nshi amashiwi yaba pali Yohane 7:53–8:11 yashasanshiwilwa pa fikomo fibiye muli New World Translation?
14. Bushe Yesu aishile shani “mu musango uyu wine” uo aililemo ku muulu? (Imi. 1:11) [w90 6/1 ibu. 11 para. 5]
15. Mulandu nshi cabelele ukuti “takwali nangu umo pali bambi uwapamine ukuilunda [ku basambi],” nga fintu calembwa pa Imilimo 5:13?