Ukubilisha
◼ Impapulo sha kutambika mu September: Tambikeni ifitabo fya kale ifyo icilonganino cikwete. October: Ulupungu lwa kwa Kalinda na Loleni! Apo mwasanga abalesekelela, batambikeni broshuwa ya Cintu Lesa Afwaya, no kwesha na maka ukutendeka amasambililo ya Baibolo. November: Broshuwa wa Cinshi Cintu Lesa Afwaya Kuli Ifwe? nelyo icitabo ca Ukwishiba Uko Kutungulula ku Mweo wa Muyayaya. Nga ca kuti abene mayanda balikwata kale ishi mpapulo, tambikeni icitabo ca Pepeni Lesa Wine Wine Eka nelyo ulupapulo lwa kale. December: Umuntu Wakulisha Uwabalile Abako Uwa Mweo. Nga tamukwete, kuti mwatambika Icaba Inkaama ku Nsansa sha Lupwa, Icitabo Candi ca Malyashi ya mu Baibolo, Baibolo—Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise Pe Sonde.
◼ Amafunde ya National Registration Regulations yatila bonse abena Zambia abali ne myaka 16, nelyo abacilapo lelo abashaishiba ubushiku bafyelwe balingile ukuya kwi ofeshi lya National Registration Office ilyabela mupepi no ko bekala pa kuti bakayekopwa akakope ka National Registration Card. Nabalealula ishina na bo bene bafwile ukuya mu kukopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakakabila ukwibukisha ici no kucinkulako bamunyinefwe na bankashi bacaice abalepalamina ku mushinku wa myaka 16.
◼ Amaofeshi ya Nte sha kwa Yehova tayabombela pa maorda ya mpapulo sha muntu umo umo. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa cila mweshi uwa mpapulo ku maofeshi pa kuti bonse abalefwaya ukupokako impapulo bengalembesha kuli munyina abombela ku mpapulo. Kuti cawama ukulaibukisha impapulo shiordwa mu kuibela.
◼ Baeluda balecinkulwako ukukonka ifyebo fyali pa mabula 21-3 mu Ulupungu lwa kwa Kalinda ulwa April 15, 1991 ukukuma ku batamfiwa nelyo abaifumya abengafwaya ukubweshiwa.
◼ Ilyashi lya cintubwingi ilyaibela ilya mu nshita ya Cibukisho mu 2004 likalandwa pa Mulungu, April 18. Umutwe wa lyashi ukabilishiwa ku ntanshi. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela muli yo mpela ya mulungu bakakwata ilyo lyashi umulungu ukakonkapo. Takuli icilonganino icilingile ukulanda ilyashi lyaibela ilyo April 18, 2002 ishilafika.
◼ Waini ya pa Cibukisho: Ifilonganino ifyaba mu mishi kuti fyaorda waini nomba line. Tumeni S-20 imbi iya waini ne ndalama. Lembenipo bwino ukuti “INDALAMA SHA WAINI.” MWIKATUMA kalata nelyo S-14, tumeni fye S-20. Nga tamutumine indalama, waini tayakatumwe. Umutengo wa kabotolo ka bukulu bwa 200 ml ni K5,000.00. Ubushiku bwa kulekelesha ubwa kubombela pa maorda ni December 31, 2003. Waini ikatumwa mu February 2004.
◼ Kuti mwatendeka ukuorda icipampa calembwapo ilembo lya mwaka wa 2004. Kuli imisango ibili iya fipampa. Icipampa cilumineko umutengo cileshitwa pali K11,000.00 kabili cena nacikwata ne fya kukambatikilako e lyo icicepeleko umutengo cileshitwa pali K3,000.00 kabili tacakwata ifya kukambatikilako. Kuti mwaorda ifi fipampa no kutumina indalama pali formu wa S-20, lembeni bwino ukuti “Ilembo lya Mwaka” libe pa mupelwa lyeka kabili lembenipo no lulimi. MWIORDELA PALI FORMU WA S-14. Imisango yonse ibili iya fipampa fye lembo lya mwaka ikabako mu Chichewa, mu Cibemba na mu ciNgeleshi. Mu ciTonga mukaba fye icipampa ca mutengo uukulu (K11,000.00), mu ciLozi cikabako fye ica mutengo unono (K3,000.00). Mu ciLubale mwena tamwakabe icipampa nelyo cimo ice lembo lya mwaka wa 2004. Tuletubulula ukuti ifilonganino fyonse fikakambatike ilembo lya mwaka upya pa January 1, 2004. Ifilonganino kuti fyaorda fye icipampa cimo fye mu lulimi lumo. Nga ca kutila ifilonganino fibomfya Ing’anda ya Bufumu filanda indimi shapusana, kuti baorda icipampa cilefwaikwa cimo mu lulimi lumo na lumo.
◼ Impapulo shipya ishilipo:
Pepeni Lesa Wine Wine Eka—mu ciChewa ne ciTumbuka
Pepeni Lesa Wine Wine Eka—Mu filembo ifikulu—mu ciNgeleshi
Palameni Kuli Yehova–Mu filembo ifikulu—mu ciChewa ne ciNgeleshi
Ukwishiba—Mu filembo ifikulu—mu ciNgeleshi ne ciPortuguese
◼ CD-ROM iipya ya pa kompyuta Iiliko:
Watchtower Library—2001 Edition—mu ciNgeleshi