Ukubilisha

◼ Ulupapulo lwa kutambika mu November: Cinshi Cintu Lesa Afwaya Kuli Ifwe? nelyo Ukwishiba Uko Kutungulula ku Mweo wa Muyayaya. Nga ca kuti abene mayanda balikwata kale ishi mpapulo, tambikeni icitabo ca Pepeni Lesa Wine Wine Eka nelyo ulupapulo lwa kale. December: Umuntu Wakulisha Uwabalile Abako Uwa Mweo. Nga tamukwete, kuti mwatambika Icaba Inkaama ku Nsansa sha Lupwa, Icitabo Candi ca Malyashi ya mu Baibolo, Baibolo—Cebo ca kwa Lesa Nelyo ca Muntu?, nelyo Kuti Waikala Kuli Pe na pe muli Paradise Pe Sonde. January: Icitabo icili conse icasabankanishiwe pa ntanshi ya 1988 ico icilonganino cikwete. Nga tamukwete ifili fyonse, mukwai fwailisheni mu filonganino fyaba mupepi nga nabakwata impapulo sha kale ishicilile pa sho bengakabila ukubomfya. Ifilonganino fishakwata ifitabo fya kale kuti fyashalika Ukusapika Lesa Ukwa Mutundu wa Muntu. February: Palameni Kuli Yehova. Nga tamukwete ci citabo kuti mwatambika Ukusokolola—Akalume ka Kuko Kakalamba Nakapalama.

◼ Kangalila wa kutangilila nelyo umbi uwasontwa na wene afwile ukupenduluka muli akaunti wa cilonganino pa December 1 nelyo mu kwangufyanya pa numa ya ubu bushiku. Ici nga cacitwa, bilisheni ku cilonganino pa numa ya kubelenga lipoti wa ndalama uukakonkapo.

◼ Ifilonganino fifwile ukutendeka ukuorda amabaundi volyumu ya The Watchtower na Awake! aya mwaka wa 2003 pa kuorda ifitabo umuku ulekonkapo. Amabaundi volyumu yakaba mu ciNgeleshi. Ukufikila amabaundi volyumu yabako no kutumwa, pa mutande wa kulongelapo ifitabo uwa cilonganino bakalalembapo ati “Ifikesa pa numa.” Amabaundi volyumu fipe fya kuorda mu kuibela.

◼ Imisangulo ya pa kulongana kwa muputule, inshiku sha kulongana kwaibela na pa mabungano ya citungu ne ipooswa mu tubokoshi twa musangulo wa mulimo wa mwi sonde lyonse ne Ndalama sha Ng’anda ya Bufumu kuti cawama nga yaba ya ndalama sha cine cine kabili mu ndalama shibomba muli co calo. Ilyo mushilasangula ukubomfya ceke ipusheni kalemba mu cilonganino, kangalila wa kulongana kwa muputule nelyo kangalila we bungano nga ico kuti cabomba ne fya kucita. Imisangulo ya kubomfya ceke iitumwa kwi ofeshi lya musambo ilingile ukulembwa ukuti ifwile ukulipilwa ku “Watch Tower.” Akeyala ka ku musambo wesu ni Watch Tower Society, Box 33459 Lusaka 10101.