Ukubilisha

◼ Ulupapulo lwa kushalika mu March: Ukwishiba Uko Kutungulula ku Mweo wa Muyayaya. Kukaba ukubombesha kwa kutendeka amasambililo ya Baibolo. Abantu nga balikwata kale ici citabo, shalikeni icitabo ca Angweniko ku Kusesema kwa kwa Daniele! April na May: Shalikeni bamagazini ba Ulupungu lwa kwa Kalinda na Loleni! pa muku umo. Ilyo mulecita ifipempu fya kubwelelamo ku bantu abalefwaya ukwishibilapo na fimbi, abasangwa ku Cibukisho nelyo ku kulongana kumbi ukwa cilonganino lelo abashibishanya sana ne cilonganino, shalikeni icitabo ca Pepeni Lesa. Bombesheni ukutendeka isambililo lya Baibolo, maka maka nga bamo balisambililapo icitabo ca Ukwishiba nelyo broshuwa wa Cintu Lesa Afwaya. June: Sambilila Kuli Kasambilisha Mukalamba. Nga ca kweba ati abantu batila tabakwata bana, shalikeni broshuwa wa Cintu Lesa Afwaya. Ilyo mulebomfya broshuwa, angweni sana ku kutendeka amasambililo ya Baibolo aya pa ng’anda.

◼ Iofesi lya Nte sha kwa Yehova talibombela pa maorda ya mpapulo sha muntu umo umo. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa mpapulo cila mweshi ku ofesi pa kuti bonse abalefwaya ukupokako impapulo bengalembesha kuli munyina abombela ku mpapulo. Kuti cawama ukulaibukisha impapulo shiordwa mu kuibela.

◼ Kalemba alingile ukweba Iofesi lya Musambo pali bumupashi bwa bamunyina baipusha Umulimo wa Kuitemenwa uwa Kukuula Amayanda ya Bufumu. [Application for Kingdom Hall Construction Volunteer Program] (A-25). Nga ca kutila kwaba ukwaluka mu fyo uwaipusha ukubombako aba, tutile aselela kumbi nelyo asontwa ukuba umubomfi utumikila nelyo eluda, amaformu ayapya yafwile ukulembwa bwangu bwangu no kutumwa. Nga ca kutila uwa kuitemenwa aleka ukucita bwino lwa ku mupashi mu cilonganino, baeluda balingile ukulemba kalata kwi Ofesi lya Musambo bwangu bwangu

◼ Calicindama nga nshi ukuti abaleisa ku kutandalila Iofesi lya Musambo ku Makeni nga bali 20 no kucilapo intanshi balembela Bethel nelyo ukutuminako lamya ilyo bashilaisa. Ukutandala kubako ukufuma pali Cimo ukufika pali Cisano ne nshita ya 8:00 hours ukufika pa 15:00 hours epela. Takuba kutandasha pa numa ya 15:00 hours nelyo pa Cibelushi na pa Mulungu. Mukwai landeni impendwa ya bantu baleisa ne nshiku kumo ne nshita ya kwisatandala. Ilyo tamulaima, mukwai pitulukeni mu Umukululo wa Fipusho mu Ubutumikishi Bwesu Ubwa Bufumu ubwa June 2002 pa fyo mufwile ukufwala no kusakula pa kutandalila Bethel.

◼ Amafunde ya National Registration yatila abena Zambia bonse abali ne myaka 16, nelyo abacilapo lelo abashaishiba ubushiku bafyelwe balingile ukuya kwi ofesi lya National Registration ilyabela mupepi no ko bekala pa kuti bakopwe akakope ka National Registration Card. Nabalealula ishina na bo bene bafwile ukuya mu kukopwa. Bonse abalingile ukuyakopwa bafwile ukuya bwangu, kabili balingile ukumona ici nge cintu ico Abena Kristu bafwile ukucita kuli bakateka bacilamo. Baeluda na bafyashi bakakabila ukwibukisha ici no kucinkulako bamunyinefwe na bankashi abalepalamina ku mushinku wa myaka 16.

◼ Mu citabo ca Ukupelulula Ukufuma mu Malembo, ubwipusho bwaba mu filembo fyafita pe bula 191 nabwalulwa. Ubwipusho bwaletila: “Cinshi cingalenga amapepo ya muntu umo ukuba ayapokelelwa kuli Lesa?” nomba bwakulatila “Cinshi cingalenga amapepo ya muntu umo ukukanapokelelwa kuli Lesa?”