Ukubilisha

◼ Ulupapulo lwa kutambika mu August: Broshuwa uuli onse uwa mabula 32 pali balya batantikwa mu Ubutumikishi Bwesu Ubwa Bufumu ubwa July 2004. September: Is There a Creator Who Cares About You? Nga tamukwete ci citabo kuti mwashalika icitabo ca Life—How Did It Get Here? By Evolution or by Creation? October: Kukaba lulu waibela uwa kushalika broshuwa mupya, lelo bamagazini umo umo aba Ulupungu lwa kwa Kalinda na Loleni! bakalashalikwa uyu mweshi onse. Mukwai shalikeni bamagazini bonse abo mukwete. Apo mwasanga abalesekelela, batambikeni broshuwa wa Cintu Lesa Afwaya, no kwesha na maka ukutendeka amasambililo ya Baibolo. November: Tambikeni icitabo ca Sambilileni Kuli Kasambilisha Mukalamba. Nga ca kutila abene mayanda batila tabakwata abana, bashileni broshuwa wa Cintu Lesa Afwaya. Pooseni sana amano ku kutendeka amasambililo ya Baibolo aya mu ng’anda.

◼ Kangalila wa kutangilila nelyo umbi uwasontwa na wene afwile ukupenduluka muli akaunti wa cilonganino pa September 1 nelyo mu kwangufyanya pa numa ya ubu bushiku. Ici nga cacitwa, bilisheni ku cilonganino pa numa ya kubelenga lipoti wa ndalama uukakonkapo.

◼ Ifilonganino filingile ukutampa ukuorda Kalenda wa Nte sha kwa Yehova uwa mu 2005, (akabako mu Chichewa, mu Cibemba, ne ciNgeleshi) Ukubebeta Amalembo Cila bushiku—2005, (kakabako mu Chichewa, mu Chitonga, mu Cibemba, muli ciKaonde, mu ciLozi, mu ciLubale, na mu ciSwahili) na 2005 Yearbook of Jehovah’s Witnesses (yaba mu ciNgeleshi epela). Mukabike pali orda wenu uwa mpapulo uukonkelepo.

◼ Ukupenduluka kwa pa mwaka ukwa mpapulo shonse na bamagazini mukwete kufwile ukubako pa August 31, 2004 nelyo pa bushiku bumbi ubupalemeko sana. Uku kupenda kwalipalana na kulya ukwa cila mweshi ukubako lilya kampanya apenda ifitabo fyonse ifilipo pa mpela ya cila mweshi, kabili ifitabo fyonse ifilipo fifwile ukulembwa pali formu wa Ukupenda Ifitabo (S-18). Ipusheni ababombela kuli bamagazini mu cilonganino cimo na cimo bamwebe impendwa ya bamagazini balipo. Kalemba wa mu cilonganino icileampanya afwile ukwangalila uku kupenda. Kangalila wa kutangilila na kalemba aba mu cilonganino icileampanya bakasaina uyu formu. Icilonganino cimo na cimo icileampanya cikapokelela amaformu yatatu aya Ukupenda Ifitabo (S-18). Mukwai tumeni formu wa kubalilapo kwi ofeshi lya musambo ilyo September 6 ishilafika. Sungeni formu wa bubili mu mafaelo yenu. Formu wa butatu nalimo kuti abomfiwa ku kulembapo pa kupenda.