Ukubilisha

◼ Ulupapulo lwa kutambika mu mweshi wa September: Is There a Creator Who Cares About You? Nga tamukwete, kuti mwashalika ulupapulo lutila Life—How Did It Get Here? By Evolution or by Creation? October: Lulu waibela uwa kushalika broshuwa mupya. Tukalatambika na bamagazini ba Ulupungu lwa kwa Kalinda na Loleni! ukupulinkana umweshi onse. Shininkisheni ukuti bamagazini bonse bashalikwa. Lyena abakafwaya ukulasambilila, mukabatambike broshuwa wa Cintu Lesa Afwaya, kabili mukabweleleko pa kuti mukatendeke amasambililo ya Baibolo aya pa ng’anda. November: Shalikeni icitabo ca Sambilila Kuli Kasambilisha Mukalamba. Nga bamo batila tabakwata bana, batambikeni broshuwa wa Cintu Lesa Afwaya. Mulebomfya sana broshuwa pa kutendeka amasambililo ya Baibolo aya mu ng’anda.

◼ Waini ya pa Cibukisho: Ifilonganino ifyaba mu mishi kuti fyaorda waini nomba line. Tumeni Formu wa Kutuminapo Imisangulo (S-20) imbi iya waini ne ndalama. Lembenipo bwino ukuti “INDALAMA SHA WAINI.” MWIKATUMA kalata nelyo Literature Request Form (S-14), tumeni fye S-20. Nga tamutumine indalama, waini tayakatumwe. Umutengo wa kabotolo ka bukulu bwa 200 ml ni K5,000.00. Ubushiku bwa kulekelesha ubwa kubombela pa maorda ni December 31, 2004. Waini ikatumwa mu February 2005.

◼ Kuti mwatendeka ukuorda icipampa calembwapo ilembo lya mwaka wa 2005. Kukaba fye umusango umo uwa cipampa uwa K3,000.00. Cikapulintwa pe pepala lyakosa lelo tacakakwate ifya kukambatikilako. Kuti mwaorda ifi fipampa no kutumina indalama pali formu wa S-20, lembeni bwino ukuti “Ilembo lya Mwaka” libe pa mupelwa lyeka kabili lembenipo no lulimi. MWIORDELA PALI FORMU WA S-14. Ilembo lya mwaka likabako mu Chichewa, mu Cibemba, mu ciLozi, mu ciNgeleshi, na mu ciTonga. Tuletubulula ukuti ifilonganino fyonse fikakambatike ilembo lya mwaka upya pa January 1, 2005. Ifilonganino kuti fyaorda fye icipampa cimo fye mu lulimi lumo. Nga ca kutila ifilonganino fibomfya Ing’anda ya Bufumu filanda indimi shapusana, kuti baorda icipampa cilefwaikwa cimo mu lulimi lumo na lumo.

◼ Mu nshita ya Cibukisho ica mu 2005, ilyashi lyaibela ilya ku cintubwingi likalandwa pa Mulungu, pa 10 April. Umutwe we lyashi ukabilishiwa ku ntanshi. Ifilonganino ifikaba no mulungu waibela, ukulongana kwa muputule, nelyo ubushiku bwa kulongana kwaibela muli yo mpela ya mulungu bakakwata ilyo lyashi umulungu ukakonkapo. Takuli icilonganino icilingile ukulanda ilyashi lyaibela ilyo April 10, 2005 ishilafika.

◼ Baeluda balecinkulwako ukukonka ifyebo fyaba mu Ulupungu lwa kwa Kalinda ulwa April 15, 1991, pa mabula 21-3, ifilanda pa batamfiwa nelyo abaifumya mu cilonganino abalingile ukutandalilwa.

◼ Ilyo fye bamagazini bapya aba Ulupungu lwa kwa Kalinda na Loleni! bapokelelwa, ifilonganino fifwile ukupeela aba bamagazini kuli bakasabankanya ilyo line fye bapokelelwa. Ici cikalenga bakasabankanya ukulaishiba ifili muli bamagazini ilyo bashilashalika mu mulimo wa mwi bala.

◼ Bamo balebomfya ama Kingdom Melodies nge nyimbo sha pa cell foni. Ishibeni ukuti inyimbo shonse, impapulo na fyonse ifyapangwa ne Nte sha kwa Yehova tafifwile ukubomfiwa nelyo ukukopololwa ukwabulo kupeelwa insambu. Uuli onse tafwile ukubomfya inyimbo shibomfiwa mu kupepa nge nyimbo sha pa cell foni.

◼ Cisangilwe ukuti bakasabankanya abo bateka nelyo abali na balupwa abatekelwe mu fipatala baleya ku baba muli Komiti wa Kumfwaninamo ne Fipatala. Bambi na bo nga baba no bwafya bwa kubikwamo mulopa, besa kwi ofesi lya musambo nelyo ukutuminako lamya. E ico, bakasabankanya abalekabila ukwafwiwa bafwile ukulanda na baeluda ba mu cilonganino babamo pantu baeluda e bashingamwa no yu mulimo kabili balipeelwa amashina na manambala ya foni aya bonse ababa muli Komiti wa Kumfwaninamo ne Fipatala.

◼ Cila mwaka, formu wa Ifya Kukonka pa Kuwamya no Kulungisha Ing’anda ya Bufumu (CN-14) uwaisushiwa alingile ukutumwa kwi Ofesi lya Musambo ilyo umweshi wa September ushilafika. Ifilonganino fyonse ifilebomfya Ing’anda ya Bufumu imo filingile ukupeelwa kope waisushiwa uwa uyu formu mu kwangufyanya. Nga pali ifilekabilwa ukuwamya, baeluda balingile ukushininkisha ukuti fyawamishiwa pa kuti Ing’anda ya Bufumu ilemoneka bwino. Kangalila wa muputule nga atandalila icilonganino, akapituluka muli formu wa Ifya Kukonka pa Kuwamya no Kulungisha Ing’anda ya Bufumu.

◼ Apo umweshi wa October ukaba ne milungu 5 iyakumanina, cikawama sana ukubombamo bupainiya bwa kwafwilisha.