Ukupitulukamo Kwe Sukulu Lya Butumikishi Ilya Bulesa
Amepusho yakonkapo yakapitulukwamo pa kanwa mwi Sukulu lya Butumikishi Ilya Bulesa mu mulungu wa kutampa uwa October 25, 2004. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa September 6 ukufika October 25, 2004. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Isukulu lya Butumikishi, amabu. 36-7.]
IMILANDILE
1. Kuti twaba shani ne milandile ikuula ilyo tulelanda ilyashi pa milimo imo iya Bwina Kristu bwesu? [be ibu. 203 amapara. 3-4]
2. Ukubwekeshabwekeshapo e kucita cinshi, kabili cinshi kwacindamina? [be ibu. 206 amapara. 1-4]
3. Kuti twakomaila shani pa mutwe wa lyashi? [be ibu. 210 amapara. 1-5, akabokoshi]
4. Kuti twaishiba shani ifishinka fikalamba mu lyashi batupeele ukulanda? [be ibu. 212 amapara. 1-4]
5. Cinshi ico tushilingile ukufushisha ifishinka fikalamba? [be ibu. 213 amapara. 2-4]
ILYASHI NA. 1
6. Finshi fyacitike ilyo Ilyeshi lishilaisa ifyalengele abantu ukukanasumina ukuti fyonse ifyo balemona fyali no konaulwa? [w02 3/1 amabu. 5-6]
7. Cinshi cacindamina ukwishiba ukuti abantu baikele mu nshita ya kwa Yesu tabalemwita ati “Kondapa” lelo baleti “Kasambilisha”? (Luka 3:12; 7:40) [w02 5/1 ibu. 4 para. 3; ibu. 6 para. 6]
8. Amapinda 11:24, 25 yalanga shani ubucindami bwaba mu kubombesha apakalamba mu mulimo wa mwi bala? [w02 7/15 ibu. 30 amapara. 2-4]
9. Mulandu nshi waimineko pa mulandu wa bucipondoka ubwacitike mu Edene, kabili finshi fyatumbuka muli bulya bucipondoka? (Ukute. 3:1-6) [w02 10/1 ibu. 5 para. 6; ibu. 6 amapara. 2-3]
10. Inshiku sha kubwesha ukupepa kwa cine mu Yerusalemu bushe kuti shaishibikwa shani? [si ibu. 285 para. 5]
UKUBELENGA BAIBOLO UKWA CILA MULUNGU
11. Apo ni Yehova aebele Balaamu ukuya na bantu ba kwa Balaki, nomba cinshi Yehova akalipile ilyo Balaamu aile na bo? (Impe. 22:20-22)
12. Bushe umulume wa mwanakashi Umwina Kristu kuti apangulula umulapo wa mwina mwakwe? (Impe. 30:6-8)
13. Cinshi “imishi ya kushinamo” imininako muno nshiku? (Impe. 35:6) [w95 11/15 ibu. 17 para. 8]
14. Bushe ifunde pa Amalango 6:6-9 ilitila ‘mulekaka icebo ca kwa Lesa pa minwe yenu kabili cileba impeneno pa kati ka menso yenu’ tufwile ukulyumfwila mulya mwine fye lyalembelwa?
15. Bushe insoselo ya kutila “ifya kufwala fyenu tafyafumwike” yalola mu kuti ifya kufwala fya bena Israele fyalepyanikwapo ilyo fyaonaika? (Amala. 8:4)