Ukutantika Ukulongana Kwa Mulimo

Umulungu wa Kutampa October 10

Ulwimbo 17

10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Bomfyeni ifyebo fili pe bula 8 (nga nafilinga mu cifulo mushimikila) ku kulangilila ifya kushalika Ulupungu lwa kwa Kalinda ulwa October 15 na Loleni! wa October—December. Pa numa ya cilangililo cimo na cimo, landeniko pa fisuma ifyaciba mu cilangililo. Kabili landeni na pa fipande fimbi muli magazini ifyo abantu bengatemwa mu cifulo mushimikila.

15 min: Bushe Mulabika Amano ku Kubelenga? Ukulanshanya ne bumba ifishinka fimo fimo ukufuma mu citabo ca Isukulu lya Butumikishi Ilya Bulesa ukufuma pe bula 21 ukufika pe bula 26. Cinshi cingasanshiwa muli programu wesu uwa kubelenga? (umukululo pe bula 21) Cinshi cacindamina ukubelenga impapulo tupokelela? (ibu. 23, para. 2) Cinshi cikatwafwa ukulabelenga Baibolo lyonse? (ibu. 26, amapara. 3-4) Mucita shani pa kuti mukwate inshita ya kubelenga Ulupungu lwa kwa Kalinda na Loleni!? Bushe ici camwafwa shani?

20 min: “Twalilileni Ukulanda Icebo ca kwa Lesa no Kushipa.”a Ebeni ibumba ukulanda pali fimo ifilenga cayafya ukulanda no kushipa kukabilwa ilyo tuleshimikila. Cinshi cabafwa ukulanda no kushipa?

Ulwimbo 78 ne pepo lya kusondwelela.

Umulungu wa Kutampa October 17

Ulwimbo 36

10 min: Ukubilisha kwa pa mwenu. Moneni ulubali 3 mu ca mu kati mu Ubutumikishi Bwesu Ubwa Bufumu ubwa September 2005, no kupituluka mu cishinka cimo nelyo fibili pa fya kubomfya bwino Amalembo ilyo muletungulula amasambililo ya Baibolo.

15 min: Kaaneni Kaseebanya. Ilyashi ukulandwa na eluda ukufuma mu Ulupungu lwa kwa Kalinda ulwa October 15, 2002, amabula 8-11, amaparagrafu 1-13.

20 min: “Langeni Ukuti Mulasakamana Abantu—Ku Cikuuku Cenu.”b Ebeni ibumba ukulanda pa fyo twingalanga icikuuku ku bantu ilyo tuli mu butumikishi. Inshila shimo isho twingalangilamo ukuti twalisakamana abo tushimikila shikalandwapo mu Ubutumikishi Bwesu Ubwa Bufumu ubwa ku ntanshi.

Ulwimbo 2 ne pepo lya kusondwelela.

Umulungu wa Kutampa October 24

Ulwimbo 68

10 min: Ukubilisha kwa pa mwenu. Belengeni lipoti wa ndalama na bakalata ba kutasha pa misangulo abafumine kwi ofesi lya musambo. Bomfyeni inshila imo pa shaba mu ca mu kati ica mu Ubutumikishi Bwesu Ubwa Bufumu ubwa January 2005 atemwa inshila imbi iingalinga mu cifulo mushimikila ku kulangilila ifya kushalika impapulo tukalatambika mu November.—Moneni Ubutumikishi Bwesu Ubwa Bufumu, ubwa January 2005, ibu. 8, para. 5.

15 min: Ukukabila kwa pa mwenu.

20 min: Ukulanga Ukuti Tulakonka Amafunde ya kwa Lesa ku Mifwalile Yesu ne Mimonekele Yesu. Ilyashi no kulashanya ne bumba ukulandwa na eluda ukufuma mu Ulupungu lwa kwa Kalinda ulwa August 1, 2002, amabula 17-19. Ebeni ibumba ukulanda pa fyo ukufwala no kumoneka bwino kwingatupeela ishuko lya kushimikila abantu.

Ulwimbo 153 ne pepo lya kusondwelela.

Umulungu wa Kutampa October 31

Ulwimbo 209

10 min: Ukubilisha kwa pa mwenu. Cinkuleniko bakasabankanya ukuleta amalipoti ya mulimo wa mwi bala aya mu October. Bomfyeni ifyebo fili pe bula 8 (nga nafilinga mu cifulo mushimikila), ku kulangilila ifya kushalika Ulupungu lwa kwa Kalinda ulwa November 1, na Loleni! ya October–December. Mu cilangililo cimo, langeni umwine wa ng’anda umukululo utila “Mu Lukakonkapo,” pa kuti mumfwane pa kubwelelako.—Moneni Ubutumikishi Bwesu Ubwa Bufumu ubwa October 1998, ibu. 8. amapara. 7-8.

15 min: Mulebatwalila Bamagazini Lyonse pa Kuti Insala ya Icine Ikule. Ilyashi no kulanshanya ne bumba ukufuma mu Ubutumikishi Bwesu Ubwa Bufumu ubwa May 2005, pe bula 8. Kuti twatendeka shani ukushiila umuntu magazini lyonse? (para. 1) Kuti twapekanya shani ukulanshanya na bo tushiila magazini ilembo limo lyonse ilyo twatandala? (para. 3) Cinshi tufwile ukulondolwela ilembo, te kulibelenga fye? (para. 4) Kuti mwalenga shani uo mutwalila bamagazini aba umusambi wa Baibolo? (para. 5) Citeniko ne cilangililo umuli kasabankanya alelanshanya ilembo limo no muntu uo ashila magazini.

20 min: Abacaice Abashangila Lelo Aba Mucinshi. Ilyashi, ukulandwa na eluda ukufuma mu Ulupungu lwa kwa Kalinda ulwa September 15, 2002, amabula 23-24, pa kamutwe kaleti “Kaaneni mu Mucinshi.” Ebeleni libela umwaice umo nelyo babili balande pa mafya bakwete ku sukulu ne cabafwile ukupwisha ayo mafya.

Ulwimbo 222 ne pepo lya kusondwelela.

Umulungu wa Kutampa November 7

Ulwimbo 39

5 min: Ukubilisha kwa pa mwenu.

20 min: Mulekutikisha pa Kulongana. Ilyashi no kulanshanya ne bumba ukufuma mu Ulupungu lwa kwa Kalinda lwa September 15, 2002, amabula 12-14, amaparagrafu 11-14. Pitulukeni mu fyo batucinkwileko muli aya maparagrafu, kabili ebeni ibumba ukulanda pa fyabafwa ukunonkelamo sana mu kulongana.

20 min: “Beni Abacenjela mu Kulondolwela Abantu Icine.”c Ebeni bakasabankanya bamo bamo bashimike ifyo bacitile pa kuti bapelulule bwino na bantu bapusanapusana ababa mu cifulo bashimikila.

Ulwimbo 50 ne pepo lya kusondwelela.

[Amafutunoti]