Ukubilisha

◼Impapulo sha kutambika mu December: Umuntu Wakulisha Uwabalile Abako Uwa Mweo. Nga tamukwete kuti mwashalika ifitabo fimbi pamo nga Baibolo—Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, Kuti Waikala Kuli Pe na pe muli Paradise Pe Sonde, nga e po fili pa cilonganino. January: Tambikeni icitabo icili conse ica mabula 192, icalembwa pa mapepala ayacucuka nelyo icili conse icalembelwe ilyo umwaka wa 1991 ushilafika. Ifilonganino ifikwete ifitabo fya Ukusapika Lesa Ukwa Mutundu wa Muntu kuti fyashalika ifi fitabo. Nga ca kutila abene ba mayanda tabalefwaya icitabo, batambikeni broshuwa wa Mulelola! February: Tukalatambika icitabo ca Palameni Kuli Yehova. Ifilonganino ifishikwete ici citabo kuti fyashalika icitabo ca Ukusokolola nelyo ulupapulo ululi lonse ulutuuleme pa cilonganino. March: Tambikeni icitabo cipya icitila Bushe Cinshi Baibolo Isambilisha? Esheni na maka ukutendeka amasambililo ya Baibolo.

◼ Utupepala twa kwitilapo abantu ku Cibukisho mu mwaka wa 2006 mu lulimi ulo icilonganino cibomfya tukatumwa nomba line ku cilonganino. Nga ca kutila mu cifulo mushimikila mwaliba indimi shimbi ishilandwa e lyo kabili kuti mwatemwa ukukwata utupepala muli ulo lulimi, kuti mwaorda bwangu pali formu wa kuordelapo impapulo (S-14). Indimi umo utupepala twa kwitilapo abantu ku Cibukisho tukalembwa ni mu ciNgeleshi, iciTonga, iciChewa, Icibemba, ciKaonde, iciLubale, iciLozi na mu ciSwahili. Mukwai mukaorde fye utupepala mu ndimi shilandwa mu cifulo mubombela.

◼ Tulemwishibishako ukuti Icibukisho mu mwaka wa 2007 cikabako pali Cimo, April 2, akasuba nga kawa. Twalandila kabela pa kutila bamunyina bakafwaye no kupekanisha limo uko bakalonganina nga ca kutila Ing’anda yabo iya Bufumu ibomfiwa ku filonganino ifingi. Nga bafwaila limo icifulo ca kubomfya pa Cibukisho, baeluda bafwile ukusuminishanya na bene ba fifulo ukuti takwakabe bambi abakesa bapumfyanya, kabili takwakabe fimbi ifyakulacitika pali ico cifulo pa kutila Icibukisho cikasefiwe mu mutende kabili bwino bwino.

◼ Apo Icibukisho calicindama sana, baeluda bafwile ukusala eluda uwingalanda bwino sana ilyashi. Te kulafwaya fye ukutila baeluda balelekanina ukulanda aya malyashi kabili te kulabomfya fye munyina umo wine cila mwaka. Nga kuli eluda uwasubwa uwingalanda bwino ilyashi, e o mufwile ukusala.