Ukubilisha

◼ Impapulo sha kushalika mu May: Shalikeni bamagazini ba Ulupungu lwa kwa Kalinda na Loleni! Nga mwabwelela ku bantu abalesekelela, e lyo na ku basangilwe ku Cibukisho nelyo abasangwa ku kulongana kumbi ukwa cilonganino lelo abashilakosa ukulongana, mulebika sana amano ku kubatambika icitabo cipya ica Bushe Cinshi Baibolo Isambilisha? Ico tukalashalikila ici citabo, kufwaya ukutendeka amasambililo ya Baibolo muli ici cine citabo. June: Shalikeni icitabo ca Sambilila Kuli Kasambilisha Mukalamba. Nga ca kutila abene ba mayanda batila tabakwata bana abaice, tambikeni icitabo ca Insansa sha Lupwa. July na August: Broshuwa onse uwa mabula 32 pali aya kuti abomfiwa: Ipakishe Ubumi pe Sonde Kuli Pe na Pe!, Kamfulumende Iikaleta Paradise, Bushe Lesa mu Cituntulu Alatusakamana?, Ilyo Untu Watemwa Afwa, Mulelola!, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Kuti Mwaba Cibusa wa kwa Lesa na Inshila Iitwala ku Mweo.

◼ Iofesi lya musambo talibombela pa maorda ya mpapulo sha muntu umo umo. Kangalila wa kutangilila afwile ukupekanya ukuti kuleba ukubilisha cila mweshi ilyo icilonganino tacilatuma orda wa cila mweshi uwa mpapulo ku maofesi pa kuti bonse abalefwaya ukupokako impapulo bengalembesha kuli munyina abombela ku mpapulo. Kuti cawama ukulaibukisha impapulo shiordwa mu kuibela.

◼ Bakalemba ba cilonganino bafwile ukukwata amaformu ayengi ayatila Formu wa Kulembeseshapo Bupainiya bwa Nshita Yonse (S-205) na maformu ya Ukwipusha Umulimo wa Bupainiya bwa Kwafwilisha (S-205b). Kuti baorda aya maformu pali Literature Request Form (S-14). Bafwile ukukwata amaformu ayengabomba umwaka fye onse. Ilyo tamulatuma formu wa bupainiya bwa nshita yonse ku musambo, mufwile mwashininkisha ukuti ifipusho fyonse nafyasukwa.

◼ Apo umweshi wa July ukwete Ifibelushi fisano ne nshiku sha Mulungu shisano, kuti wawama sana ukubombamo bupainiya bwa kwafwilisha.

◼ Kangalila wa kutangilila nelyo umbi uo asala afwile ukupituluka mu ndalama sha cilonganino pa June 1 nelyo pa numa fye ya ubo bushiku. Nga ca kutila indalama ishibomfiwa ku fintu pamo nga ifya kulungishalungisha ne sha kuwamisha nelyo isha makuule, mushisunga sheka, na sho mufwile ukushipitulukamo. Nga mwapitulukamo, mufwile ukubilisha ku cilonganino muli lipoti wa ndalama uukakonkapo.

◼ ICISHIBISHO: Indalama shisangulwa pa kulongana kwa muputule, ukulongana kwaibela no kwa citungu e lyo ne shipooswa mu tubokoshi pa Ng’anda ya Bufumu isha kwafwilisha umulimo wa mwi sonde lyonse pamo ne sha Mayanda ya Bufumu, shifwile ukuba mu maKwacha. Ilyo mushilasangula indalama ukubomfya cheke, ipusheni kalemba pa cilonganino, kangalila wa kulongana kukalamba nelyo kangalila wa kulongana kwa citungu nga kuti caba fye bwino ukubomfya cheke ne fyo cheke ingatumwa. Cheke wa ndalama shisangulwa isha kutuma kwi ofesi lya musambo afwile ukulembwapo ukuti apeelwe ku “Watch Tower Society.” Akeyala ke ofesi lya musambo ni Watch Tower Society, Box 33459, Lusaka 10101.

◼ UKULUNGIKA MUMO MUMO PA MUTANDE WA KULONGANA KWA CITUNGU: Pa mutande wa fifulo fya kulonganinapo icitungu, uwali mu Ubutumikishi Bwesu Ubwa Bufumu ubwa March 2006, pali ififulo fibili apo indimi shapusene ne cifulo cimo apashali ululimi: Pali no kuba ifi: CHINGOLA - CW (Icibemba) na CHIPATA - CN (Chichewa). E lyo apashabikilwe ululimi ni pa LYENGA - CN (Chichewa).

◼ Tulemucinkulako ukuti formu wa kwipushishapo bupainiya bwa nshita yonse afwile ukufika kwi ofesi lya musambo inshiku 90 nelyo ukucilapo ilyo ubushiku mulefwaya ukutendekelapo tabulafika. Kalemba wa cilonganino afwile ukupituluka mu maformu pa kuti ashininkishe ukutila nayalembwa bwino bwino. Nga ca kutila abaleipusha tabaleibukisha bwino bwino ubushiku bwa lubatisho lwabo, kuti balemba ubushiku bupalileko no kusungila ubo bwine bushiku e lyo no kulabomfya ubo bushiku lyonse. Kalemba afwile ukulemba ubo bushiku pa Icalembwa ca Bukasabankanya ica Cilonganino (S-21).

◼ Ama CD ayalipo:

Cinshi Cintu Lesa Afwaya Kuli Ifwe?—IciNgeleshi

A Satisfying Life—How to Attain It—IciNgeleshi

◼ Icilangililo cipya ica pali tepu icilipo:

Cindikeni Ubutungulushi bwa kwa Yehova—mu ciChewa