Ifya Ukubilisha

◼ Impapulo sha kushiila abantu mwi bala mu September: Tukalabapeela icitabo ca Baibolo Isambilisha. Tufwile ukubombesha ukutendeka isambililo lya Baibolo pa muku fye uwa kubalilapo ilyo twatandalila umuntu. Nga mwashiila umuntu icitabo, mufwile ukubwelelako pa kuti mukatendeke isambililo lya Baibolo. October: Tukalasha bamagazini bonse babili, Ulupungu lwa kwa Kalinda na Loleni! Abalefwaya ukukutika, bapeeleni broshuwa itila Mulelola! pa kuti batemwe sana ukusambilila Baibolo. November: Sambilila kuli Kasambilisha Mukalamba. Nga ca kuti batila tabakwata bana, bapeeleni trakiti ya kuti Bushe Kuti Mwatemwa Ukwishiba Na Fimbi Pali Baibolo? nelyo trakiti imbi iingalinga. December: Umuntu Wakulisha Uwabalile Abako Uwa Mweo. Nga tamukwete ici citabo, kuti mwabapeela ifi fitabo nga ca kuti namukwata pa cilonganino: Baibolo—Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, nelyo Kuti Waikala Kuli Pe na pe Muli Paradise Pe Sonde.

◼ Muli orda ikakonkapo, ifilonganino fikatendeke ukuorda amabaundi volyumu ya The Watchtower na Awake! aya mu 2006 na Watchtower Library—2005 Edition iyaba pa CD-ROM iya pa kompyuta. Abengapokako Watchtower Library—2005 Edition ni bakasabankanya fye ababatishiwa epela ababa mu cilonganino kabili kuti bapokela fye mu cilonganino mwine.

◼ Ifilonganino fikatendeke ukuorda Ilembo lya Mwaka ilya mu 2007 muli orda ikakonkapo. Pa mutande wa kulongelapo ifitabo, pe lembo lya mwaka bakalalembapo ati “Ifikesa pa numa” mpaka likabeko. Umwaka wapwile ifilonganino ifingi fyalicelelwe ukuorda ilembo lya mwaka e lyo bambi balilabile ukuorda. E ico mutume orda bwangu bwangu. Tatwakatume ifikacelwa. Ilembo lya mwaka likaba mu Chichewa, ciKaonde, iChitonga, iCibemba, iciLozi, iciLubale, iciNgeleshi, iciSwahili ne ciTumbuka. Umutengo ni K3,000.00 limo kabili mufwile ukuorda no kulipilila pali formu wa S-20, lembenipo bwino bwino ukuti “ILEMBO LYA MWAKA” kabili lembeni ululimi mulefwaya. MWI ORDELA PALI S-14. Ifilonganino kuti fyaorda fye ilembo lya mwaka limo mu lulimi lumo. Ifilonganino fifwile ukubika ilembo lya mwaka mu Ng’anda ya Bufumu pa January 1, 2007.

◼ Baeluda balecinkulwako ukutwalilila ukukonka ifyo baebwa ukucita mu Ulupungu lwa kwa Kalinda ulwa April 15, 1991 amabu. 21-23, ulwa fyo bengafwa abatamfiwa nelyo abaifumya mu cilonganino abengafwaya ukubweshiwa.

◼ Waini wa Cibukisho: Ifilonganino ifyabela mu mishi kuti fyaorda waini nomba line. Tumeni Formu Wa Kutuminapo Imisangulo (S-20) yeka pamo pene ne ndalama. Lembeni bwino bwino ukuti musangulo “WA WAINI.” MWITUMA kalata nelyo Formu wa kwipushishapo ifitabo uwa (S-14), lelo tumeni fye S-20. Nga tamutumine indalama tabakamutumine waini. Umutengo wa waini ni K10,000.00 akabotolo akanono. Ubushiku bwa kulekelesha ukupoka amaorda ni pa December 31, 2006. Waini akatumwa mu February 2006.