Ifya Kubilisha

◼ Impapulo tukalabomfya mu mulimo wa mwi bala mu February: Icitabo citila Palameni Kuli Yehova. Nga tamukwete ici citabo pa cilonganino, bomfyeni icitabo citila Ukusokolola nelyo impapulo shimbi isha kale ishilipo. March: Tukalashalika icitabo citila ico Baibolo Isambilisha kabili tukabombeshe sana ukutendeka amasambililo ya Baibolo. April na May: Tukalashalika Ulupungu lwa kwa Kalinda na Loleni! Nga mwabwelela ku bantu abalefwaya ukusambilila, e lyo na ku basangwa ku Cibukisho nelyo abesa ku maprogramu yambi aya ku mupashi lelo abashilati batendeke ukulongana lyonse ne cilonganino, esheni ukubapeela icitabo citila Baibolo Isambilisha no kutendeka isambililo lya Baibolo nabo.

◼ Bakalemba ba filonganino bafwile ukushininkisha ukutila nabakwata kalata ya kusontelwapo bupainiya (S-202) iya kwa painiya wa nshita yonse umo umo mu cilonganino. Nga tabakwete, bafwile ukulemba kalata kwi ofesi lya musambo.

◼ Kangalila wa kutangilila alingile ukumona kalemba no kumwipusha aya mepusho yakonkapo: Bushe kuli bakasabankanya abakuukile ku cilonganino cimbi nomba line? Bushe ifyebo fya kubalondolola fyalitumwa kuli baeluda ba mu cilonganino baya pa kuti aba bakasabankanya bakabasengele no kubafwilisha kuli bamunyinefwe kulya? Bushe kuli bakasabankanya abakuukila mu cilonganino cenu nomba line? Bushe kalemba alitumina kalemba munankwe uwa ku cilonganino uko bafuma? Bushe ifyalembwa fya bukasabankanya fyalitumwa?

◼ Kalemba na kangalila wa mulimo bafwile ukupituluka mu milimo ya bapainiya ba nshita yonse. Nga kuli abali no bwafya bwa kukumanya amaawala yafwaikwa, baeluda bafwile ukutantika ifyo bengafwa aba bapainiya. Moneni ifyebo fimbi ifili mu makalata ya pa mwaka aya S-201.

◼ Ilyashi lyaibela ilikabako mu nshita ya Cibukisho, mu 2007 likaba no mutwe wa kuti “Kuti Mwaba no Mutelelwe na Muli Cino Calo ca Macushi!” Moneni ukubilisha kumo kwine mu Ubutumikishi Bwesu Ubwa Bufumu ubwa October 2006.

◼ Tuli no kuleka ukulafumya bamagazini ba ciNgeleshi pa matepu ukutendeka na Ulupungu lwa kwa Kalinda na Loleni! aba mu July 2007. Amaorda yonse ayo tukwete ayakafika pali iyo nshita tatwakayakonke. Mukwai moneni ibula balembapo ifyebo fya basabankanya bamagazini nga mulefwaya ukwishiba ayo mwingaorda mu cilonganino. Na kabili ici, cishibisho ca kutila mu kuya kwa nshita amatepu yonse, aya mu filimba na ya pa vidio, panono panono tukaleka ukupanga, tukalapanga fye amaCD-ROM na maDVD.

◼ Ifwe bonse tulatasha ukuti ukuteyanya kwalipekanya ifimbayambaya ifitwala impapulo na makalata ku filonganino. Kabili filasenda amakalata ukufuma mu filonganino ukuleta kwi ofesi lya musambo. Mukwai ishibeni ukutila ifi fimbayambaya ififuma kwi ofesi lya musambo incito iikalamba fibomba kusenda impapulo, bamagazini na makalata ukutwala ku filonganino e lyo no kusenda amakalata ukutwala ku musambo. Bonse abalelembela amakampani nangu utubungwe tumo amakalata, kuti cawama nga babomfya positi ofesi nangu inshila imbi pantu iofesi lya musambo talyakwata ukupekanya kwa kutwala aya makalata.

◼ Watch Tower Society yalileka ukubomfya iyi adresi: Box 21598, Kitwe. Adresi uo tubomfya ukupokelelapo amakalata ni yi: Akabokoshi 33459, Lusaka 10101.

◼ Impapulo shipya ishilipo:

Palameni Kuli Yehova—ciKaonde