Ifya Kubilisha

◼ Impapulo sha kushalika mu July na August: Kuti mwabomfya broshuwa onse uwa mabula 32 pali aya: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, Mulelola!, Kamfulumende Iikaleta Paradise, Cinshi Caba Imifwaile ya Bumi?—Ni Shani Fintu Wingaisanga? Ilyo Untu Watemwa Afwa, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Kuti Mwaba Cibusa wa kwa Lesa!, na The Road to Everlasting Life—Have You Found It? September: Bushe Cinshi Baibolo Isambilisha? Bombesheni ukutendeka amasambililo ya Baibolo pa muku wa kubalilapo. Nga ca kuti balikwata kale ici citabo, balangeni mu kwipifya ifyo isambililo lya Baibolo liba. October: Tukalasha bamagazini bonse babili, Ulupungu lwa kwa Kalinda na Loleni! Abalefwaya ukusambilila, bapeeleni trakiti atila Bushe Kuti Mwatemwa Ukwishiba na Fimbi Pali Baibolo? kabili lanshanyeni nabo. Tukalafwaya twatendeka ukusambilila nabo Baibolo.

◼ Apo umweshi wa September ukwete Ifibelushi fisano ne nshiku sha pa Mulungu shisano, kuti wawama sana ukubombamo bupainiya bwa kwafwilisha.

◼ Ukutendeka mu September, bakangalila ba miputule bakalalanda ilyashi lya ku cintubwingi ilya mutwe wa kuti “Cinshi Baibolo Yabela Iya Cine?”

◼ Kuti cawama nga ca kuti mwatuma amaformu ya kulombelapo umulimo wa bupainiya bwa nshita yonse kwi ofesi lya musambo ninshi kucili inshiku 90 ilyo painiya alefwaya ukutendeka. Kalemba alingile ukupituluka mu maformu ukushininkisha ukuti nayalembwa bwino. Nga ca kuti abaleipusha umulimo wa bupainiya balilaba ubushiku babatishiwe, balingile ukutunganya fye ubushiku bumo e bo balaibukisha fye lyonse. Kalemba alingile ukulemba ubu bushiku pali kardi wa Icalembwa ca Bukasabankanya ica Cilonganino (S-21).

◼ Ukupenduluka kwa pa mwaka ukwa mpapulo shonse isho mukwete na bamagazini abali pa cilonganino mukapende pa August 31, 2007 nelyo pa bushiku bumbi ubupalemeko sana. Uku kupenda kwalipalana na kulya kampanya apenda ifitabo fyonse ifilipo pa mpela ya cila mweshi, kabili ifitabo fyonse ifilipo mufwile ukulemba pali formu wa Ukupenda Ifitabo (S-18). Ilyo tamulapenda, peeleni bakasabankanya impapulo shaibela isho baordele. Ipusheni munyina uubombela kuli bamagazini amwebe impendwa ya bamagazini balipo. Kalemba uwaba mu cilonganino icampanya e ufwile ukwangalila uku kupenda. Kangalila wa kutangilila na kalemba ababa mu cilonganino icampanya bakasaina uyu formu. Icilonganino cimo na cimo icampanya cikapokelela amaformu yatatu aya Ukupenda Ifitabo (S-18) mu July nangu mu August. Mukwai mukatume formu wa kubalilapo kwi ofesi lya musambo ilyo September 6 ishilafika. Sungeni formu wa bubili mu mafaelo yenu. Ilyo mulependa nalimo kuti mwabomfya formu wa butatu.

◼ DVD iipya iilipo umuli indimi ishingi:

The Bible—A Book of Fact and Prophecy—On DVD (dvbbl-DVC)—mu ciNgeleshi, mu ciArabic, mu ciDutch, mu ciMalagasy, mu ciPortuguese (ica ku Brazil), mu ciPortuguese (ica ku Bulaya) e lyo ne ciSpanishi (Muli DVD imo)