Ifya Kubilisha

◼ Impapulo sha kushalika mu October: Tukalashalika bamagazini bonse babili, Ulupungu lwa kwa Kalinda na Loleni! Nga mwasanga abantu abalefwaya ukuumfwa, bapeeleni trakiti atila Bushe Kuti Mwatemwa Ukwishiba na Fimbi Pali Baibolo? kabili lanshanyeni na bo no kwesha ukutendeka ukusambilila na bo Baibolo. November: Sambilila Kuli Kasambilisha Mukalamba. Nga balanda ukuti tabakwata abana, ninshi bapeeleni broshuwa atila Mulelola! December: Umuntu Wakulisha Uwabalile Abako Uwa Mweo. Nga tamukwete ici citabo kuti mwabomfya ica Palameni Kuli Yehova nangu Icaba Inkaama ku Nsansa sha Lupwa. January 2008: Icitabo conse ica mabula 192 icalembelwe pa mapepala ayamoneka aya kaaki nelyo icalembelwe ilyo 1991 ishilafika kuti mwacibomfya. Ifilonganino ifishikwete ifi fitabo fyonse ifya kale, kuti babomfya icitabo ca Ukwishiba (nga nabakwata) nelyo broshuwa ya kuti Mulelola!

◼ Mu Kulongana kwa Mulimo mu January mukaba ilyashi ilikalalanda pali vidio ya Transfusion-Alternative Health Care—Meeting Patient Needs and Rights. Nga mulefwaya iyi vidio kuti mwaorda mu cilonganino nomba line.

◼ Ica mu kati icili muli buno Ubutumikishi Bwesu Ubwa Bufumu, e muli “Umutande wa Malyashi mwi Sukulu lya Butumikishi Ilya Bulesa Ilya mu 2008.” Kanshi mucisunge pantu e co mukalabomfya umwaka onse uwa 2008.

◼ Munyina uulelanda ilyashi lya kulekelesha mu Kulongana kwa Mulimo e ulingile ukweba ibumba ulwimbo lwa kulekelesha. Pa numa, ena nangu munyina umbi uwakampuka uo bebele libela akapepa ipepo lya kusondwelela.