Ifya Kubilisha

◼ Ulupapulo lwa kushalika mu February: Is There a Creator Who Cares About You? nelyo icitabo icitila Icaba Inkaama ku Nsansa sha Lupwa. Mu March: Icitabo ca mutwe wa kuti, Bushe Cinshi Baibolo Isambilisha? Mukabombeshe ukutampa amasambililo ya Baibolo. Mu April na May: Bamagazini ba Ulupungu lwa kwa Kalinda na Loleni! Kukaba ukubombesha kwa kutandalila abapya abasangilwe ku Cibukisho na kwi lyashi lya cintubwingi ilyaibela lelo abashisangwa lyonse ku kulongana. Umulandu ukalamba uwa kutandalila abo bantu wa kufwaya ukutampa isambililo lya Baibolo na balya aba kuti tabalati batampe ukusambilila.

◼ Apo mu mweshi wa March mukaba Ifibelushi fisano ne nshiku sha Mulungu shisano, ukaba mweshi uusuma ukubombamo bupainiya bwa kwafwilisha.

◼ Kalemba na kangalila wa mulimo bafwile ukupituluka mu milimo ya bapainiya ba nshita yonse. Nga kuli abali no bwafya bwa kukumanya ama-awala yafwaikwa, baeluda bafwile ukutantika ifyo bengafwa aba bapainiya.

◼ Ilyashi lyaibela ilikabako mu nshita ya Cibukisho, mu 2008 likaba no mutwe wa kuti “Nani Uwalinga Ukuteka Abantunse?”

◼ Bakalemba ba filonganino bafwile ukushininkisha ukutila nabakwata kalata ya kusontelwapo bupainiya (S-202) iya kwa painiya wa nshita yonse umo umo mu cilonganino. Nga tabakwete, bafwile ukulemba kalata kwi ofesi lya musambo.

◼ Impapulo sha Mpofu: Tulefwaya ukwishibisha bakasabankanya ukuti impapulo sha mpofu sha mutengo sana ukulemba, maka maka impapulo ishikalamba. Kanshi ilyo Bakalemba ba cilonganino balesaina formu ya kuordelapo ifitabo (S-14) balingile ukushininkisha ukuti ifyo baordele fya bakasabankanya, nangu fya bantu abafwaya ukusambilila Baibolo aba kuti balabatungulula ne sambililo lya Baibolo nangu abasangwa lyonse ku kulongana.

Kuli Bakangalila ba Kutangilila: Limo limo, mu makalata ayo iofeshi litumina amabumba ya baeluda mulaba ifyebo ifyacindama ifikuma imilimo ya mubomfi wa magazini atemwa uwa fitabo. Bakangalila ba kutangilila tabafwile ukulaba ukwebako ifi fyebo ababomfi ba magazini na ba fitabo ilyo ibumba lya baeluda lyapwisha ukubelenga amakalata ya musango yu.

◼ Nga filya twabilishe mu Ubutumikishi Bwesu Ubwa Bufumu ubwa December, ifilonganino nomba kuti fyatampa ukuorda Watchtower Library—2007. Muli iyi programu mukaba ne mpapulo ishipya ishafumine mu 2007. Lelo icintu cimo icipuseneko sana muli iyi programu iipya ca kuti Watchtower Reader tayakabepo pa mpapulo shilundilwemo pantu Watchtower Library ishimpilwe pali Watchtower Reader iine. Mukasanga ukuti nacanguka sana ukubomfya iyi programu, e lyo muli na fimbi ifipya ifyo mukatemwa kabili ifikalamwafwa ilyo mulesokota ifyebo pe sambililo lya pa lwenu. Ilyo mukalabika iyi programu iipya mu kompyuta yenu, ikamweba ukupulinta ipepala apali ifyebo ifinono ifyo mwingalacebapo ilyo mulesambilila ifya kubomfya iyi programu iipya e lyo ne fintu fimbi ifilimo. Pa kuti mubike Watchtower Library—2007 mu kompyuta yenu, mufwile ukukwata kompyuta iibomfya Operating System iya Microsoft Windows 2000, XP, nangu Vista.

◼ Impapulo Ishipya Ishilipo:

“All Scripture”—Authentic and Beneficial—Broshuwa iya kubomfya mu 2008 (Ulubali 1 na 2)—Mu ciLunda

◼ Tepu Iipya Iilipo:

Mwe Ndupwa—Lekeni Imikalile Yenu Ibe ya Kubelenga Baibolo Cila Bushiku!—Cibemba