Ukupitulukamo kwe Sukulu lya Butumikishi Ilya Bulesa
Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa August 25, 2008. Kangalila we sukulu akatungulula ukupitulukamo ukwa mamineti 30 ukukafuma mu fyebo fyalandilwe mu malyashi ya mulungu wa July 7 ukufika August 25, 2008.
UKUFUNDA PA MILANDILE
1. Kuti twacita shani pa kuti tatuumiine kumo ilyo tulelanshanya na bantu? (Fil. 4:5) [be ibu. 251 para. 3]
2. Bushe ica kumwenako ca kwa Paulo ilyo alelanda na baGriki mu cilye ca Areopagi kuti catwafwa shani nga tulelanda na bantu abashisumina ukuti Baibolo yalikwata amaka? (Imil. 17:22, 23) [be ibu. 252 amapara. 1-2]
3. Nangu fye nga natushininkisha ukuti umuntu uo tulelanda nankwe naluba, kuti twacita shani pa kuti tatuumiine kumo? [be ibu. 253 amapara. 1-2]
4. Ilyo tuleesha ukuwikisha abantu, finshi ifyo tufwile ukwishiba? [be ibu. 255 para. 3, akabokoshi]
5. Bushe ukuba no mucetekanya kuti kwatwafwa shani ilyo tuleesha ukufika umuntu pa mutima? (Amapi. 20:5) [be ibu. 258 amapara. 1-5]
ILYASHI NA. 1
6. Finshi ifyo bankanshi balingile ukutontonkanyapo pa kusala imitantikile ye lyashi? [be ibu. 44 amapara. 5-6]
7. Finshi bamunyinefwe abalanda ifishinka fikalamba ifya muli Baibolo balingile ukulandapo? (Neh. 8:8) [be ibu. 47 amapara. 2-3]
8. Bushe munyinefwe uukwete ilyashi mu Kulongana kwa Mulimo umuli icilangililo nangu umo aleipusha bakasabankanya ukushimika ifyacitike, alingile ukupekanya shani? [be ibu. 49 para. 5]
9. Ni shani fintu ibuuku lya Imilimo lilangisha ifyo ubunte bwali no kupeelwa e lyo noko bwali no kufika? (Imil. 20:20, 21; 28:23) [si ibu. 204 para. 35]
10. Finshi kalanda wa lyashi lya ku cintubwingi alingile ukucita pa kuti ashininkishe ukuti ilyashi lyakwe lishimpilwe pali Baibolo? (Imil. 17:2, 3) [be ibu. 52 para. 6–ibu. 53 para. 2]
UKUBELENGA BAIBOLO CILA MULUNGU
11. Mulandu nshi kalinda wa cifungo alefwaila ‘ukuipaya’? (Imil. 16:25-27) [w90 5/15 ibu. 25, akabokoshi]
12. Nangu ca kuti Apolo ali “uwacenjela ukulanda” e lyo kabili “alishibe Amalembo,” mulandu nshi Priskila na Akula ‘bamubuliile no kumukolobondelamo inshila ya kwa Lesa’? (Imil. 18:24-26) [w96 10/1 ibu. 20 amapara. 4-5]
13. Bushe ni mwi calolele ukulanda ukuti Sauli ‘alepanta ifya kusoswelako’? (Imil. 26:14) [w03 10/1 ibu. 32]
14. Bushe ‘ulubembu lwaluminishiwe shani’ kwi funde Lesa apeele abena Israele? (Rom. 7:8, 11) [w08 6/15 “Icebo ca kwa Lesa ca Mweo—Ifyo Mwingafwaya Ukwishiba mwi Buuku lya Abena Roma”]
15. Ni shani ‘tutuulika imisolilo ya mulilo’ pa mutwe wa mulwani? (Rom. 12:20) [w08 6/15 “Icebo ca kwa Lesa ca Mweo—Ifyo Mwingafwaya Ukwishiba mwi Buuku lya Abena Roma”]