Ifya Kubilisha
◼ Impapulo sha kushiila abantu mu November: Mu milungu ya kubalilapo ibili mufwile ukupwisha kampeni ya kushalika trakiti iyaibela. Lyena imilungu ibili ikashalako mufwile ukushalika icitabo citila Bushe Cinshi Baibolo Isambilisha? Mukabombeshe ukutendeka amasambililo ya Baibolo. December: Shalikeni icitabo citila Umuntu Wakulisha Uwabalile Abako Uwa Mweo. Nga ca kuti abo mwasanga batila balikwata abana, bashileni icitabo ca Sambilila Kuli Kasambilisha Mukalamba. January: Shalikeni icitabo citila Bushe Cinshi Baibolo Isambilisha? Nga ca kuti abo mwasanga balikwata ici citabo kale, bashileni icitabo icili conse ica mabula 192 icalembelwe pa mapepala ayamoneka aya kaaki nelyo icalembelwe ilyo 1992 ishilafika. February: Kuti mwashalika ishi mpapulo shakonkapo nga namukwata: Is There a Creator Who Cares About You?, Icaba Inkaama ku Nsansa sha Lupwa, nelyo Baibolo—Cebo ca kwa Lesa Nelyo ca Muntu?
◼ Tulekoselesha bakasabankanya bonse abashilati balembe kardi ya kuti Uwa Kunjimininako Kuli Badokota iya mu ciNgeleshi (DPA) ukuti balembe iyi kardi. Iyi kardi ya kuti DPA kuti yamwafwa ilyo balefwaya ukumubikamo umulopa. Baeluda bali no kwafwa abalekabila ubwafwilisho.—Moneni ica mu kati mu Ubutumikishi Bwesu Ubwa Bufumu ubwa November 2006.
◼ Ukutendeka pa January 1, 2009, tatwakulabomfya amashiwi ya kuti “kangalila wa kutangilila.” Nomba twakulati “kampanya we bumba lya baeluda.”
◼ Ilingi line mu Ubutumikishi Bwesu Ubwa Bufumu mulaba ifya kubilisha ifyacindama ifilanda pa fyo mufwile ukucita ilyo mulefwaya ukuorda impapulo. Kanshi ilyo line fye ababomfi ba fitabo babapeela Ubutumikishi Bwesu Ubwa Bufumu bafwile mu kwangufyanya fye ukumona ifya kubilisha ifilimo pa kutila bwangu bwangu bacita ifyo balandile mu Ubutumikishi Bwesu Ubwa Bufumu.
◼ Icishibisho ku Babomfi ba Magazini: Bamo balafwaya ukwishiba ilyo bengatuma orda yaibela iya kulundako bamagazini ba kubomfya mu March, April na May mu 2009 ilyo kukaba ukubombesha mu mulimo wa mwi bala. Nge fyo caba lyonse, mufwile ukutuma orda yaibela imyeshi itatu mu kubangilila ilyo umweshi umukafuma abo bamagazini ushilafika. Ica kumwenako fye, bamagazini ba mu March, mufwile ukutuma orda mu November, aba mu April mufwile ukutuma mu December e lyo aba mu May mufwile ukutuma mu January. Nga ca kuti mwacelwa ukutuma orda wenu kuti nalimo bamutumina bamagazini ba mweshi wa ku ntanshi pantu pali iyo nshita ninshi nalimo abo bamagazini balipwa. Nga mwatuma orda mu kucelwa te kuti mwenekele ukutila kuti twamutumina impapulo mu kampampa. Kanshi muletuma orda wenu bwangu.
◼ Ifilonganino kuti fyatendeka ukutuma amaorda ya Watchtower Library—2008 (cdly08). Iyi, ni orda yaibela, abafwile ukupokako fye ni bakasabankanya, te ya kushila abantu mwi bala nelyo abantu abatemwa fye Inte sha kwa Yehova. Kabili bonse abakaorda bakapokela mu cilonganino. Bakasabankanya ababomfya sana Watchtower Library lelo abashibomfya amabaundi volyumu bafwile ukutontonkanyapo nga ca kuti balekabila ukulembesha na mabaundi volyumu.
◼ Impapulo shipya ishilipo:
Muletontonkanya Lyonse pa Bushiku bwa kwa Yehova—mu filembo ifikalamba (jdlp)—mu Cibemba
Baibolo ya Amalembo ya Calo Cipya (iyapangwa ne nkupo iyanaka) (bi12)—mu Cibemba
Ifipusho Abacaice Bepusha—Ifyasuko Fibomba, Volyumu 2—mu Chichewa
◼ Amakaseti ayapya ayalipo:
Sungeni Ilinso Lyenu Ilituntulu (csey)—mu Cibemba
◼ Ama DVD ayapya ayalipo:
Sambilila Kuli Kasambilisha Mukalamba—American Sign Language
Album for The Watchtower Announcing Jehovahˈs Kingdom 2009 (dvcw09) —American Sign Language
Organized to Share Good News and Whole Association of Brothers (dvjwa)—American Sign Language