Ifya Kubilisha

◼ Ulupapulo lwa kushalika mu September: Bushe Cinshi Baibolo Isambilisha? Kuti cawama bakasabankanya ukutendeka amasambililo ya Baibolo pa muku fye wa kubalilapo bashiila umuntu ici citabo. Citeni icilangililo icipi ukulangilila ifyo abo tuleshiila icitabo benganonkelamo mwi sambililo lya Baibolo. October: Magazini ya Ulupungu lwa kwa Kalinda na Loleni! Nga ca kutila umuntu atemwa ifyo mwalanshanya nankwe mupeeleni trakiti ya mutwe wa kuti Bushe Kuti Mwatemwa Ukwishiba Icine? kabili lanshanyeni iyi iine trakiti. Bakasabankanya nga basanga ukuti abo balelandako balikwata kale iyi trakiti, balingile ukwesha na maka ukutampa amasambililo ya Baibolo. November: Bushe Cinshi Baibolo Isambilisha? Abantu nga balanda ukuti balikwata kale ici citabo, kuti mwabapeela icitabo icili conse ica mabula ayacucuka nga yakokola nelyo icitabo icili conse icalembelwe ilyo umwaka wa 1995 taulafika. December: Umuntu Wakulisha Uwabalile Abako Uwa Mweo. Nga mwasanga abakwata abana, bashileni icitabo ca Sambilila Kuli Kasambilisha Mukalamba.

◼ Ilyashi lyaibela ilikabako mu nshita ya Cibukisho likalandwa mu mulungu wa April 12, 2010. Tukamwishibisha limbi umutwe wa ili lyashi. Ifilonganino ifikakwata kangalila wa muputule pa cilonganino nangu ifikaba no kulongana kwa muputule nangu ukwaibela muli uyo mulungu fili no kukwata ilyashi lyaibela mu mulungu uukakonkapo. Takuli icilonganino icifwile ukukwata ilyashi lyaibela ilyo umulungu wa April 12 taulafika.

◼ Waini ya pa Cibukisho: Ifilonganino ifyabela mu mishi fifwile ukutendeka ukuorda waini nomba line. Tumeni Formu ya Kutuminapo Imisangulo (S-20) iyo muletuminapo fye indalama sha waini epela. Ilyo mukalatuma ishi ndalama mukalembe bwino bwino ukuti “INDALAMA SHA WAINI.” MWIKATUMA kalata nelyo formu ya Literature Request Form (S-14), mukatume fye S-20. Tatwakatume waini nga tamutumine ne ndalama. Akapaketi ka 500ml ni K20,000.00. Ubushiku bwa kulekeleshako ukuorda waini ni pa 31 December, 2009. Tukatuma waini mu February 2010.