Ukubilisha

◼ Ulupapulo lwa kushalika mu January: Bushe Cinshi Baibolo Isambilisha? Nga ca kuti abo mwasanga balikwata kale ici citabo, kuti mwabapeela icitabo icili conse ica mabula 192 icapangilwa na mapepala ya kaki nelyo icitabo icili conse icasabankanishiwe pa ntanshi ya 1995. February: Bakasabankanya kuti bashalika icitabo cimo pali ifi fitabo: Is There a Creator Who Cares About You?, Icaba Inkaama ku Nsansa sha Lupwa nelyo ica mutwe wa kuti Baibolo—Cebo ca kwa Lesa Nelyo ca Muntu? March: Bushe Cinshi Baibolo Isambilisha? Bakasabankanya bafwile ukutendeka amasambililo ya Baibolo ku bantu abo bashiila ici citabo nelyo ku bantu abakwata kale ici citabo. April na May: Magazini ya Ulupungu lwa kwa Kalinda na Loleni! Nga muleya ku cipempu ca kubwelelamo ku bantu abalefwaya ukusambilila Baibolo, ukubikapo na bantu abasangilwe ku Cibukisho nelyo ku kulongana kumbi ukukalamba, lelo abashilatendeka ukulongana ne cilonganino, mukabombeshe pa kuti mukabashiile icitabo ca Bushe Cinshi Baibolo Isambilisha? Umulandu wa kucitila ifi kufwaya ukutendeka isambililo lya Baibolo.

◼ Ukutendeka mu February, ilyashi lya ku cintubwingi ilipya ilyo bakangalila ba miputule bakulalanda likaba no mutwe uuleti, “Ifyo Ubufumu bwa kwa Lesa Buletucitila Pali Ino Nshita.”

◼ Filya umuntu uunakile omfwa bwino amenshi ayatalala e fyo ne “lyashi ilisuma” lyumfwika bwino. (Amapi. 25:25) Nga namukwata ifisuma ifyacitike mwi bala, mukwai lembeni ilyo lyashi mu kwipifya no kupeela kampanya we bumba lya baeluda pa kutila amonemo, pa numa akatumina Iofeshi lya Musambo ukubika muli enifulupu iyo balembapo ukuti: Attention Desk SDB.