Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa June 28, 2010. Kangalila we sukulu akatungulula kuno kupitulukamo ukwa mamineti 20 mu malyashi yalandilwe ukufuma mu mulungu wa May 3 ukuyashinta mu mulungu wa June 28, 2010.

1. Cinshi twingasambililako kuli filya Davidi alooseshe Abnere? (2 Sam. 3:31-34) [w05 5/15 ibu. 17 para. 6; w06 7/15 ibu. 21 amapara. 9-10]

2. Cilubo nshi Natani acitile, kabili mulandu nshi bashamukaanine ukuba kasesema wa kwa Yehova? (2 Sam. 7:3) [rs ibu. 74 para 4]

3. Ilembo lya kwa 2 Samwele 7:14 lyafikilishiwe shani? [w07 8/1 ibu. 11 para. 8]

4. Ifyo Davidi acitile kuli Mefiboshete filanga shani ukuti Davidi ali ne cikuuku kuli ena, kabili kuti twacita shani nga filya Davidi acitile? (2 Sam. 9:7) [w02 5/15 ibu. 19 para. 5]

5. Cinshi twingasambililako kuli bucibusa bwali pali Itai umwina Giti ne Mfumu Davidi? (2 Sam. 15:19-22) [w09 5/15 amabu. 27-28]

6. Mulandu nshi twingalandila ukuti ifyo Siba alandile pali Mefiboshete fyali bufi ukulingana na Malembo? (2 Sam. 16:1-4) [w02 2/15 amabu. 14-15 para. 11, futunoti.]

7. Ilyo Davidi aebele Barsilai uwali ne myaka 80 ukuti akaye mu kwikala nankwe kwi sano, mulandu nshi Barsilai asalile Kimhamu ukuti e o asendelemo? (2 Sam. 19:33-37) [w07 6/1 ibu. 24 para. 13]

8. Ukuicefya kwa kwa Yehova kwalengele shani Davidi ukuba umukalamba? (2 Sam. 22:36) [w07 11/1 ibu. 5 para. 2; w04 11/1 ibu. 29]

9. Mulandu nshi Adoniya aeseshe ukupoka ubufumu ilyo Davidi ali uwa mweo? (1 Isha. 1:5) [w05 7/1 ibu. 28 para. 5]

10. Mulandu nshi Yehova ayasukiile ipepo lya kwa Solomone ilya kuti bamupeele amano no mucetekanya? (1 Isha. 3:9) [w05 7/1 ibu. 30 para. 2]