Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa October 25, 2010. Kangalila we sukulu akatungulula kuno kupitulukamo ukwa mamineti 20 mu malyashi yalandilwe ukufuma mu mulungu wa September 6 ukuyashinta mu mulungu wa October 25, 2010.

1. Nga twatontonkanya pa fyo Asaria (Usia) aali, finshi twingasambililako? (2 Isha. 15:1-6) [w91 7/15 amabu. 29-30]

2. Bushe icipesha amano icalembwa pali 2 Ishamfumu 13:20, 21 cilasuminisha ukupepa abafwa? [w05 8/1 ibu. 11]

3. “Bushe Hisekia alyumene akapi na bena Egupti? (2 Isha. 18:19-21, 25 ) [w05 8/1 ibu. 11]

4. Mulandu nshi Baibolo ilandila ukuti Yehova ‘alipanga’ kabili alafikilisha ubufwayo bwakwe? (2 Isha. 19:25) [w99 8/15 ibu. 14 para. 3]

5. Bushe ilembo lya 2 Ishamfumu 25:8, 25, 26 lyalondolola shani apo batendekele ukupenda imyaka 70 iya Yerusalemu ukushala umwabula abantu? [w06 1/15 ibu. 19 para. 3]

6. Mulandu nshi 1 Samwele 16:10, 11 isosela ukuti Davidi ali mwana wa kwa Yese uwalenga cinekonsekonse (8), lelo Esra ena atila ali mwana uwalenga cinelubali (7)? (1 Imila. 2:15) [w02 9/15 ibu. 31]

7. Kuti twapashanya shani filya abena Gileadi bacitile? (1 Imila. 5:10, 18-22) [w05 10/1 ibu. 9 para. 7]

8. Cinshi twingasambililako ku bena Lebi abalelinda impongolo? (1 Imila. 9:26, 27) [w05 10/1 ibu. 9 para. 8]

9. Bushe ukwimba inyimbo kwacindeme shani ku bena Israele? (1 Imila. 9:33) [g08 07 ibu. 27 para. 2]

10. Cinshi calubene pali filya Davidi afulilwe ifyo balandapo pali 1 Imilandu 13:11? [w05 10/1 ibu. 11]