Lipoti ya Mulimo wa mwi Bala

Tuli ne nsansa pantu mu Mwaka wa Mulimo uwa 2010 twalibombeshe mu mbali ishingi! Mu March twatungulwile amasambililo ya Baibolo 288,282, ukucila pali avareji ya mwaka wafumineko. Bakasabankanya 150,000 e batumine amalipoti! Pa Amalumbo 133 palanga ukuti Yehova alatupaala nga tuli abaikatana. Ukutemwana kwaba mu filonganino kulenga bakasabankanya ukufulilako. Ukufika ku mpela ya August, ababatishiwe bali mupepi na 11,000. Apo twalicetekela ukuti Yehova ukulapaala umulimo wesu, natutwaliile ukulashimikila ‘ukwabula umwenso pantu Yehova alitupeela amaka.’—Imil. 14:3.