Ifya Kubilisha

◼ Impapulo sha kushalika mu June: Bakasabankanya kuti bashalika amatrakiti ayakonkapo: Ipakishe Ubumi Bwa Lupwa, Nani mu Cituntulu Ateka Icalo?, Umulandu Wingacetekela Baibolo nelyo Bushe Kuti Mwatemwa Ukwishiba Icine? Nga batemwa ifyo mwalanshanya nabo, balangeni ifyo tusambilila Baibolo ukubomfya icitabo citila Ico Baibolo Isambilisha nelyo broshuwa itila Mulekutika Kuli Lesa nelyo iitila Mulekutika Kuli Lesa pa Kuti Mukekale Umuyayaya. July na August: Imbila Nsuma Ukufuma Kuli Lesa! nelyo broshuwa iili yonse pali aya ama broshuwa ya mabula 32: Kuti Mwaba Cibusa wa kwa Lesa!, Mulekutika Kuli Lesa, na Mulekutika Kuli Lesa pa Kuti Mukekale Umuyayaya. September: Ulupungu lwa kwa Kalinda na Loleni!

◼ Pa mpela ya mweshi wa March, bamunyinefwe na bankashi 24 abali mwi kalasi lya kubalilapo, balipwishishe Isukulu lya Bena Kristu Abaupana (BSCC) ilyabelele muno Zambia. Ilyo bashilaisa kuli ili sukulu, aba bamunyinefwe ne nkashi balebombela mu fyalo fyalekanalekana e kutila mu Botswana, Namibia, South Africa, Zambia na mu Zimbabwe. Ifyo aba bamunyinefwe basambilile fikalenga bakakoshe sana ifilonganino ne miputule bakaya mu kubombelamo. Ala tulatasha nga nshi ifyo aba bamunyinefwe ne nkashi babika Ubufumu intanshi no kusalapo ukukanakwata abana e lyo no kuipeelesha ukuyabombela uko bakabila sana aba kushimikila imbila nsuma!