Ifya Kubilisha

◼ Impapulo sha kushalika mu September na October: Magazini ya Ulupungu lwa kwa Kalinda na Loleni! November na December: Bushe Cinshi Baibolo Isambilisha? nelyo trakiti itila Bushe Kuti Mwatemwa Ukwishiba Icine?

◼ Ilyashi lyaibela ilya mu 2014 likalandwa mu mulungu wa April 21. Umutwe wa ili ilyashi tukabilisha ku ntanshi. Ifilonganino ifikakwata umulungu waibela nelyo ukulongana kwa muputule muli ulya mulungu kuti fyakwata ilyashi lyaibela umulungu ukakonkapo. Takuli icilonganino icifwile ukukwata ilyashi lyaibela ilyo April 21 ishilafika.

◼ Ukutendeka na magazini ya mu September 2013, tukalabika Loleni! mukati ka Ulupungu lwa kwa Kalinda ulwa bantu bonse. Pali ino nshita, nga tuletuma magazini ku filonganino, tubika Loleni! ibili ibili e lyo magazini ya Ulupungu lwa kwa Kalinda ulwa bantu bonse nayo iba ibili ibili. Kanshi Kampanya we Bumba lya Baeluda alingile ukubika ici pa fya kubilisha pa Kulongana kwa Mulimo pa kuti bakasabankanya beshibe ifyo magazini yakulaisa. Mulingile ukubilisha ino ine nshita ilyo bakasabankanya bashilapoka magazini ya September. Munyinefwe uulebilisha alingile ukulangilila ifyo tukalacita pa kushalika magazini. Ilyo tukalashalika, mu nshita ya kubapeela iyapampikana, kuti cawama twafumya Loleni! mu Ulupungu lwa kwa Kalinda nelyo ukuifumyako fye panono pa kuti abo tulepeela bamona ukuti tulebapeela Ulupungu lwa kwa Kalinda na Loleni!

◼ Impapulo Shipya Isho Tukwete:

“Ikalilileni mu Kutemwa kwa kwa Lesa”—Cinyanja

Imbila Nsuma Ukufuma Kuli Lesa!—Nsenga