IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA
Ifya Kulalangulukilako Abasambi
Ukulangulukilako kwishiba no kumfwikisha ifyo umo alepitamo, ifyo aleumfwa mu mutima, ne fyo afwaya ukucita. Abantu baleshiba nga natubalangulukilako. Nga tulefwaisha ukwafwa abantu tukalabalangulukilako. Kabili nga tulelangulukilako abantu ilyo tulebila imbila nsuma ninshi tulepashanya Yehova uwaba no kutemwa kabili uulangulukilako, ne ci cikalenga abantu bakalefwaisha ukupalama kuli ena.—Fil. 2:4.
Tatulangulukilako fye umuntu ilyo tulemusambilisha Baibolo, lelo tulalanga ukuti tulelangulukilako umuntu mu fyo tulanda, ifyo tukutika nga alelanda, ifyo tubomfya umubili, e lyo ne fyo tumoneka pa menso ilyo tulelanshanya nankwe. Tulanga ukuti tulelangulukilako umuntu nga natumubikako amano sana. Ici calola mu kuti tulingile ukwishiba ifyo atemwa, ifyo asuminamo, e lyo ne fyo ifintu fyaba mu bumi bwakwe. Na kabili tulamwebako ifingamwafwa kabili tulamwafwilishako mu fyo alekabila, na lyo line tatumupatikisha ukwaluka. Tulasekelela sana abantu nga balesumina ukuti tubafwe ilyo tulebila imbila nsuma.
TAMBENI VIDIO ITILA KUTI MWABA NE NSANSA NGA MULEISHIBILAKO IFYA KUPANGA ABASAMBI—IFYA KULALANGULUKILAKO ABASAMBI, LYENA ASUKENI AMEPUSHO YAKONKAPO:
Bushe ba Neeta bacilanga shani ukuti balalangulukilako ilyo ba Jade bacicelwa?
Bushe ba Neeta bacilangulukilako shani ba Jade ilyo bacibeba ukuti tabasambilile pantu nabanaka sana?
Nga tulelangulukilako abantu, balafwaya ukuba ifibusa fya kwa Yehova
Bushe ba Neeta bacilanga shani ukuti balalangulukilako ilyo ba Jade bacilanda ukuti tababika bwino ifintu?