IFYO FWE BENA KRISTU TULINGILE UKULAIKALA
Mwilafwaisha Ukucita Fyonse Ifyo Umutima Wenu Ufwaya
Apo fwe bantu tatwapwililika, tulesha na maka ukukanakonkelela ifyo imitima yesu ifwaya. Nga tulecita fye fyonse ifyo tulefwaya, Yehova kuti aleka ukututemwa. Ku ca kumwenako, bamo balatemwishapo ifya kulya, ifya kufwala no mwa kwikala ukucila ifyo batemwa Lesa. E lyo bamo pa kwikusha insuna balacita ifyapusana ne fyo amafunde ya kwa Lesa yalanda. (Rom. 1:26, 27) Na kabili abantu bamo pa mulandu fye wa kuti balafwaya ukutemwikwa ku fibusa, balakonkelela ifibusa fyabo ificita ifyabipa.—Ukufu. 23:2.
Kuti twacita shani pa kuti tatulekonkelela ififwaya imitima yesu? Tufwile ukwesha na maka ukulacita ifyo Yehova atemwa. (Mat. 4:4) Na kabili tufwile ukulalomba Yehova ukuti aletwafwa pa kuti tatulekonkelela ififwaya imitima yesu. Mulandu nshi? Pantu alishiba ifingatuwamina kabili kuti atupeela fyonse ifyo tufwaya.—Amalu. 145:16.
TAMBENI VIDIO ITILA ICO UKUPEEPA FWAKA KWABIPILA, LYENA ASUKENI AMEPUSHO YAKONKAPO:
Mulandu nshi abantu bamo bapeepela fwaka?
Finshi ificitika nga ulepeepa?
Mulandu nshi ukupepa fwaka no kupeepa ukubomfya ka mashini kwabipila?—2 Kor. 7:1
Kuti mwaleka ukupeepa fwaka!
Kuti mwacita shani pa kuti mukaane ukupeepa nelyo ukuleka ukupeepa?