JANUARY 6-12

ICUMA ICABA MU CEBO CA KWA LESA

1. Mwe Bafyashi, Twalilileni Ukusakamana Abana Benu

(10 min.)

Abafyashi kuti bacetekela ukuti Yehova kuti abafwa ukusakamana ulupwa lwabo mu fyo lulekabila (Amalu. 127:1, 2)

Abana bupe ubusuma ukufuma kuli Yehova (Amalu. 127:3; w21.08 ibu. 5 para. 9)

Mulesambilisha umwana umo na umo ukulingana ne fyo aba (Amalu. 127:4; w19.12 ibu. 27 para. 20)

Wishi alebomfya broshuwa itila “Amasambililo ya mu Baibolo” pa kusambilisha abana bakwe babili. Abana bale-elenganya ukuti baleangala na cikolwe e lyo ne nsofu mu Paradaise. — Yehova alatemwa sana nga ca kuti abafyashi baleshintilila pali ena ilyo balebombesha ukusakamana abana babo

2. Ukufwayafwaya Icuma Icaba mu Cebo ca kwa Lesa

(10 min.)

Amalu. 128:3—Mulandu nshi uwaimbile ili lumbo apashanishishe abana ku tumisambo utumena ukushinguluka umuolife? (it-1-E ibu. 543)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amalu. 132:1-18 (th isambililo 2)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(3 min.) UBUNTE BWA MU LYASHI. (lmd isambililo 1 icishinka 3)

5. Ifyo Mwingatendeka Ukulanshanya

(4 min.) UBUNTE BWA MU LYASHI. Umuntu mulelanshanya nankwe nga alanda ifipusene ne fyo Baibo isambilisha. (lmd isambililo 5 icishinka 4)

6. Ukulenga Abantu Baba Abasambi

(5 min.) lff isambililo 16 ifishinka 4-5. Lanshanyeni no musambi wenu ifyo mwapekanya ukuti akasambilile Baibo nga ca kuti mwafumapo. (lmd isambililo 10 icishinka 4)

IFYO FWE BENA KRISTU TULINGILE UKULAIKALA

7. Mwe Bafyashi, Bushe Mwaliba ica Kumwenako Icisuma ku Bana Benu?

(15 min.) Ukulanshanya.

Icilonganino ca kwa Yehova calipekanya ifintu ifingi ifyakwafwa abafyashi ukusambilisha abana babo pali Yehova. Na lyo line, cimo icingafwa sana abafyashi ukusambilisha abana babo, kuba ica kumwenako icisuma kuli bena.—Amala. 6:5-9.

Ifi fine e fyo na Yesu alecita pa kusambilishisha abatumwa bakwe.

Belengeni Yohane 13:13-15. Lyena ipusheni ibumba ifi fipusho:

Mulandu nshi twingalandila ukuti filya Yesu alecita pa kusambilisha abasambi bakwe fyali bwino sana?

Lembeni icasuko

Mwe bafyashi, ifyo mucita kuti fyalenga abana benu ukumona ukuti ifyo mubasambilisha fyalicindama. Nga ca kuti mwaliba ne ca kumwenako icisuma ku bana benu, bakalabika amano ku fyo mubasambilisha kabili bakalakutika na kuli imwe.

Ifikope: Ifikope ififumine muli vidio itila “Twalesambilisha Abana Besu mu fyo Twalecita.” 1. Ulupwa lwa ba Garcia nabekala muli motoka ninshi bali pa kuya mu kulongana. 2. Ulupwa nalwikala mu ng’anda pa numa ya kufuma mu kulongana. Balelya uku ninshi baleshimika ne lyashi. 3. Munyina Garcia alelanshanya no mwana wakwe umukashana. 4. Munyina na nkashi Garcia balebomfya Baibo pa kulanshanya no mwana wabo umukashana.

Tambeni VIDIO itilaTwalesambilisha Abana Besu mu fyo Twalecita. Lyena ipusheni ibumba ifi fipusho:

Masambililo nshi ayacindama ayo Munyina na Nkashi Garcia basambilishe abana babo abakashana?

Lembeni icasuko
Bushe iyi vidio yalenga shani mwalafwaisha ukuba ica kumwenako icisuma ku bana benu?

Lembeni icasuko

8. Isambililo lya Baibo Ilya pa Cilonganino

(30 min.) bt icipa. 20 amapara. 13-20