JANUARY 27-FEBRUARY 2

ICUMA ICABA MU CEBO CA KWA LESA

1. Mulecita Ifintu Ukulingana ne fyo Mulepepelapo

(10 min.)

Muleitemenwa ukusumina abantu nga bamupandako amano (Amalu. 141:5; w22.02 ibu. 12 amapara. 13-14)

Muletontonkanya pa fyo Yehova acita pa kutwafwa e lyo ne fyo aleafwa abantu bakwe ku nshita ya ku numa (Amalu. 143:5; w10 3/15 ibu. 32 para. 4)

Mulemona ifintu nge fyo Yehova afimona (Amalu. 143:10; w15 3/15 ibu. 32 para. 2)

Munyinefwe aleisambilisha. Ifikope: 1. Alepepa ninshi ali panse. 2. Alekutikisha ilyo munyina umukalamba alemupandako amano ilyo balebila imbila nsuma.

Mu Amalumbo 140-143 tamwaba fye amapepo ayo Davidi alepepa lelo mwaliba na mashiwi ayalanga ukuti alecita ifintu ukulingana ne fyo alepepelapo.

2. Ukufwayafwaya Icuma Icaba mu Cebo ca kwa Lesa

(10 min.)

Amalu. 140:3—Mulandu nshi Davidi apashanishishe ululimi lwa bantu ababipa ku lwa nsoka? (it-2-E ibu. 1151)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amalu. 141:1-10 (th isambililo 12)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(4 min.) UBUNTE BWA MU LYASHI. Tendekeni ukulanshanya pa fya mu Baibo no muntu pa numa ya ku mwafwa mu fyo alekabila. (lmd isambililo 3 icishinka 5)

5. Nga Mwabwelelako

(3 min.) UBUNTE BWA KU CINTUBWINGI. Umuntu nga amweba ukuti napamfiwa. (lmd isambililo 7 icishinka 3)

6. Ukulondolola Ifyo Mwasuminamo

(5 min.) Icilangililo. ijwfq icipande 21—Umutwe: Cinshi Inte sha kwa Yehova Bakaanina Ukubabikamo Umulopa? (th isambililo 7)

IFYO FWE BENA KRISTU TULINGILE UKULAIKALA

7. Muleipekanisha Limo Ilyo Mushilalwala ica Kuti Mulingile Ukundapwa Nelyo Ukumulepula

(15 min.) Ukulanshanya.

Yehova alilaya ukuti “kuti atwafwa lyonse ilyo twaba na mafya.” (Amalu. 46:1) Kuti twalasakamikwa sana nga twaishiba ukuti ubulwele twalwala balingile ukutulepula. Na lyo line, Yehova alitupekanishisha ifyebo ifyo tukabila ifya kubomfya nga bali no kutulepula. Ku ca kumwenako, icilonganino ca kwa Lesa calibikako kardi ya uwa kunjimininako kuli badokota (DPA), Identity Card,a iya bana abanono e lyo na maformu yambi ayalanda pa fya kundapwab kabili kwaliba na Amakomiti ya Kumfwaninamo ne Fipatala (HLC). Ifi fyebo e lyo na makomiti ya HLC filalenga tuleumfwila ifunde lya kwa Lesa ilyakuma umulopa.—Imil. 15:28, 29.

Nkashi alelemba kardi ya uwa kunjimininako kuli badokota.

Tambeni VIDIO itila Bushe Mwalipekanya Ifyo Mwingacita nga Mwalwalisha? Lyena ipusheni ibumba aya amepusho:

Bushe bamo banonkelamo shani mu kulemba kardi ya DPA?

Lembeni icasuko
Bushe bamo banonkelamo shani mu kubomfya formu itila Ifyebo Kuli Banamayo Abali pa Bukulu (S-401)?

Lembeni icasuko
Mulandu nshi cawamina ukutumina aba mu HLC mu kwangufyanya nga ca kuti namulwala ica kuti balamuteeka mu cipatala, balamulepula nelyo balingile ukumundapa ku malwele pamo nga kansa, na lintu cilemoneka kwati tabamubikemo umulopa?

Lembeni icasuko

8. Isambililo lya Baibo Ilya pa Cilonganino

(30 min.) bt icipa. 21 amapara. 14-22

Amashiwi ya Kusondwelela (3 min.) | Ulwimbo 103 ne Pepo

a Bakasabankanya ababatishiwa kuti bapoka kardi ya DPA ku mubomfi wa mpapulo e lyo kabili kuti bapokela na bana babo abanono Identity Card.

b Kuti mwapoka na ma formu pamo nga Ifyebo Kuli Banamayo Abali pa Bukulu (S-401), Information for Patients Requiring Surgery or Chemotherapy (S-407), e lyo ne itila Information for Parents Whose Child Requires Medical Treatment (S-55) ukufuma kuli baeluda mu cilonganino mwaba nga ca kuti muleyakabila.