MAY 5-11

ICUMA ICABA MU CEBO CA KWA LESA

1. Mu Kubombesha Mulafuma Ifisuma

(10 min.)

Mwilapoosa inshita ku kufwaya ifintu ifishacindama sana (Amapi. 12:11)

Mulebombesha, kabili mulecita ifyo mwingakumanisha (Amapi. 12:24; w16.06 ibu. 30 para. 6)

Mukapokelela icilambu pa fyo mubombesha (Amapi. 12:14)

Ifikope: Munyinefwe alebombesha ku ncito na mu fya kwa Lesa. 1. Aleenda ne fyo abomfya pa kubomba. 2. Alekaka umupaipi. 3. Alelongana pamo no lupwa lwakwe. Ena no mwana wakwe umukashana nabemya amaboko pa kuti basukepo. 4. Alebila imbila nsuma ukubomfya trakiti.

IFYO MWINGACITA: Nga mulebika amano ku fyo bambi banonkelamo mu kubombesha kwenu, mukalaba ne nsansa.—Imil. 20:35; w15 2/1 ibu. 5 amapara. 4-6.

2. Ukufwayafwaya Icuma Icaba mu Cebo ca kwa Lesa

(10 min.)

Amapi. 12:16—Bushe ishinte lye funde ilyaba pali ili lembo kuti lya-afwa shani umuntu ukuba uwashipa nga nakwata amafya? (ijwyp icipande 95 amapara. 10-11)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amapi. 12:1-20 (th isambililo 5)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(2 min.) KU NG’ANDA NE NG’ANDA. (lmd isambililo 1 icishinka 4)

5. Ifyo Mwingatendeka Ukulanshanya

(3 min.) KU NG’ANDA NE NG’ANDA. Bepusheni nga kuti batemwa ukulasambilila Baibo. (lmd isambililo 5 icishinka 4)

6. Nga Mwabwelelako

(3 min.) UBUNTE BWA MU LYASHI. Langeni umuntu uwakwata abana webusaiti yesu. (lmd isambililo 9 icishinka 3)

7. Ukulondolola Ifyo Mwasuminamo

(3 min.) Icilangililo. ijwfq icipande 3—Umutwe: Bushe Mwalisumina Ukuti Mwaba mu Kupepa kwa Cine? (lmd isambililo 4 icishinka 3)

IFYO FWE BENA KRISTU TULINGILE UKULAIKALA

8. Mufwile Ukucetekela Yehova Ifintu nga Fya-afya

(15 min.) Lanshanyeni icipande ne bumba.

Bushe mulasakamikwa ukuti nalimo tamwakasange incito, nelyo mulasakamana ukuti incito mubomba kuti yapwa, nangu mulasakamana pa mulandu wa kuti tamukwata indalama ishalinga isha kubomfya pali ino nshita e lyo na lintu mukakota? Imikalile mwi sonde nayafya. Na lyo line, Yehova alitulaya ukuti nga twabika ubufumu pa ntanshi, akulatupeela fyonse ifyo tukabila, nangu ifintu fya-aluka ica kuti twaleka no kukwata indalama ishalinga.—Amalu. 46:1-3; 127:2; Mat. 6:31-33.

Ifikope ififumine muli vidio itila “Yehova Lyonse Alatwafwa.” Munyinefwe Alvarado naikata ukuboko kwa mwina mwakwe ilyo balepepela pamo no lupwa.

Tambeni VIDIO itila Yehova Lyonse Alatwafwa. Lyena ipusheni ibumba ici cipusho:

Finshi mwasambilila ku fyacitike kuli Munyina Alvarado?

Lembeni icasuko

Belengeni 1 Timote 5:8. Lyena ipusheni ibumba ici cipusho:

Bushe ili lembo lilenga shani mwacetekela ukuti Yehova lyonse alasakamana abamupepa?

Lembeni icasuko

Tontonkanyeni pa mashinte ya mafunde ayengamwafwa ukushipikisha nga namukwata amafya ya ndalama:

Muleangusha imikalile. Mwilakongola nelyo ukushita ifyo mushilekabila.—Mat. 6:22
Mufwile ukusala bwino incito na masambililo mulefwaya ukusambilila ifingalenga mwalabika ifya kwa Lesa pa ntanshi.—Fil. 1:9-11
Muleicefya kabili muleikala ukulingana ne fyo ifintu fili. Nga ca kuti incito yapwa nelyo nga tamubomba, muleitemenwa ukubomba incito iili yonse, nangu ca kuti ilemoneka ukuba iya panshi pa kuti mulesanga ifyo ulupwa lulekabila.—Amapi. 14:23
Muleitemenwa ukupelako bambi ifyo mukwete, nangu ca kuti tamwakwata ifintu ifingi.—Heb. 13:16

9. Isambililo lya Baibo Ilya pa Cilonganino

(30 min.) bt icipa. 26 amapara. 1-8, utubokoshi pa mabu. 204, na 208