JULY 14-20
AMAPINDA 22
Ulwimbo 79 ne Pepo | Amashiwi ya Kutendekelapo (1 min.)
1. Amashinte ya mu Baibo Ayengamwafwa Ukukusha Bwino Abana
(10 min.)
Mufwile ukusambilisha abana benu ifyo bengacita nga bali na mafya (Amapi. 22:3; w20.10 ibu. 27 para. 7)
Mulebasambilisha ukufuma fye ku bwaice (Amapi. 22:6; w19.12 ibu. 26 amapara. 17-19)
Muleba no kutemwa ilyo mulebasalapula (Amapi. 22:15; w06 4/1 ibu. 9 para. 4
2. Ukufwayafwaya Icuma Icaba mu Cebo ca kwa Lesa
(10 min.)
Amapi. 22:29—Bushe kuti twabomfya shani ili lembo ku milimo tubomba mu cilonganino, kabili fisuma nshi fingafumamo? (w21.08 ibu. 22 para. 11)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amapi. 22:1-19 (th isambililo 10)
4. Ifyo Mwingatendeka Ukulanshanya
(3 min.) KU NG’ANDA NE NG’ANDA. (lmd isambililo 5 icishinka 4)
5. Ifyo Mwingatendeka Ukulanshanya
(4 min.) UBUNTE BWA MU LYASHI. Langeni umuntu ifyo engasanga ifyebo pa jw.org ifingafwa abafyashi. (lmd isambililo 1 icishinka 4)
6. Ilyashi
(5 min.) ijwyp icipande 100—Umutwe: Finshi Mfwile Ukucita nga ca Kuti Natoba Amafunde Abafyashi Bampeela? (th isambililo 20)
Ulwimbo 134
7. Muleba Abatekanya Ilyo Mulekusha Abana, Lelo Mwilabasuminisha Ukucita Ifyabipa
(15 min.) Lanshanyeni icipande ne bumba.
Mwe bafyashi, mulingile ukuba abatekanya ilyo mulekusha Abana. Mufwile ukulaba sana pamo na bana benu, kabili ilyo muli pamo nabo, tamufwile ukubika amano ku fintu fimbi nelyo ukulenga abana balaumfwa ukuti tamwakwata inshita iikalamba iya kuba pamo nabo. (Amala. 6:6, 7) Pa kuti abafyashi beshibe ifyo abana babo baletontonkanya, bafwile ukulabepusha amepusho e lyo no kulakutikisha ilyo abana babo balelanda. (Amapi. 20:5) Kabili inshita shimo abafyashi bafwile ukulabwekeshapo imiku iingi ukweba abana babo ifyo balefwaya balecita, pa kuti bengafyumfwikisha e lyo no kulafikonka.
Abafyashi abatekanya, tabasuminisha abana babo ukulacita ifyabipa. Yehova alibapeela amaka ya kweba abana ifyo bafwile ukucita e lyo ne fyo bashifwile ukulacita. Kabili alibapeela ne nsambu sha kusalapula abana nga ca kuti tabaleumfwila abafyashi babo.—Amapi. 6:20; 23:13
Belengeni Abena Efese 4:31. Lyena ipusheni ibumba ici cipusho:
Nga ca kuti abafyashi nabakalipa, mulandu nshi bashilingile ukusalapwila abana babo?
Belengeni Abena Galatia 6:7. Lyena ipusheni ibumba ici cipusho:
Mulandu nshi abafyashi balingile ukusambilishisha abana babo ukuti nga balecita ifyabipa ifintu kuti fyababipila?
Tambeni VIDIO itila Nga Muli Abatekanya, Mwakulashipikishanya mu Kutemwa—Abana Benu. Lyena ipusheni ibumba ici cipusho:
Finshi mwasambililako ku fyo twatamba muli vidio?
8. Isambililo lya Baibo Ilya pa Cilonganino
(30 min.) rr “Kalata Ukufuma kwi Bumba Litungulula,” no tubokoshi tubili pe bula 5