SEPTEMBER 29–OCTOBER 5
LUKALA MILANDU 3–4
Ulwimbo 93 ne Pepo | Amashiwi ya Kutendekelapo (1 min.)
Mulekwatako inshita ya kucitila pamo ifya kwa Lesa
1. Mulekosha Icupo Cenu
(10 min.)
Mulesangako inshita ya kulandako pa fyacindama (Luk. Mil. 3:1; ijwhf icipande 10 amapara. 2-8)
Mulesangako inshita ya kucitila ifintu pamo (Luk. Mil. 4:9; w23.05 amabu. 23-24 amapara. 12-14)
Mulecita ifingalenga mwapalama sana kuli Yehova (Luk. Mil. 4:12; w23.05 ibu. 21 para. 3)
YIPUSHENI AMUTI, ‘Finshi fingacitika mu cupo cesu nga ca kuti pa nshita iitali nshileba pamo no mwina mwandi pa mulandu wa ncito momba nelyo nga ndaya mu kutandala neka?’
2. Ukufwayafwaya Icuma Icaba mu Cebo ca kwa Lesa
(10 min.)
Luk. Mil. 3:8—Ni nshita nshi mwingalanda ukuti te “nshita ya kutemwa”? (it-E “Ukutemwa” para. 39)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Luk. Mil. 4:1-16 (th isambililo 2)
4. Ifyo Mwingatendeka Ukulanshanya
(3 min.) KU NG’ANDA NE NG’ANDA. Bomfyeni Ulupungu lwa kwa Kalinda Na. 1 2025 pa kutendeka ukulanshanya no muntu. Aluleni ifyo mwacipekanya nga ca kuti umuntu alefwaya mulanshanye pe lyashi limbi. (lmd Isambililo 2 icishinka 5)
5. Nga Mwabwelelako
(4 min.) UBUNTE BWA MU LYASHI. Ipusheni umuntu uwapokele Ulupungu lwa kwa Kalinda Na. 1 2025 nga kuti atemwa ukulasambilila Baibo. (lmd isambililo 9 icishinka 4)
6. Ilyashi
(5 min.) lmd ifyebo fyalundwako A icishinka 12—Umutwe: Lesa Taba na Kapaatulula. (th isambililo 19)
Ulwimbo 131
7. Mulekonka Ifyo Yehova Alanda nga Mwakwata Amafya mu Cupo
(15 min.) Lanshanyeni icipande ne bumba.
Yehova alipeela Abena Kristu abaupana fyonse ifyo bakabila pa kuti baleba ne nsansa. Na lyo line, inshita shimo abaupana balaba na mafya. (1 Kor. 7:28) Nga tabalepwisha aya amafya, kuti baleka ukuba ne nsansa kabili kuti balamona kwati aya amafya te kuti yapwe. Finshi mulingile ukucita nga mwakwata amafya mu cupo?
Muli vidio itila Ukutemwa kwa Cine mwaliba abaupana abalekwata amafya ayakalamba mu cupo. Bushe muleibukisha ifyo bawishi baebele umwana wabo umukashana ilyo alefwaya ukucita ifyapusene ne fyo Yehova afwaya?
Tambeni VIDIO itila Ukutemwa kwa Cine—Iyo Baipifya. Lyena ipusheni ibumba ici cipusho:
Cinshi tulingile ukukonkela ifyo Yehova alanda nga twakwata amafya mu cupo?—Esa. 48:17; Mat. 19:6
Nga mwakwata amafya ayakalamba mu cupo, muletwalilila ukucita ifya kwa Lesa pa kuti mulelanga ukutila mwalimucetekela. Mulebomfya amashinte ya mafunde ya mu Baibo pa kupwisha amafya, kabili mulefwaya ifyebo mu mpapulo shesu pa kuti mwishibe ifyo Yehova alefwaya mucite. Nga mulecita ifi, Yehova akulamwafwa kabili akulamupaala.—Amapi. 10:22; Esa. 41:10.
Tambeni VIDIO itila Mwilabepwa no Mutende wa Muli ici Calo!—Ba Darrel na ba Deborah Freisinger. Lyena ipusheni ibumba ici cipusho:
Finshi mwasambililako kuli munyinefwe na nkashi Freisinger pa fyo mufwile ukucita nga mwakwata amafya ayakalamba mu cupo?
8. Isambililo lya Baibo Ilya pa Cilonganino
(30 min.) rr icipa. 4 amapara. 1-9, akabokoshi 4A na vidio