Tulafwaisha Icalo Icisuma!
Ba António Guterres, ba secretary-general aba United Nations batile: “Twikala mu calo umwaba sana amafya.” Bushe na imwe tamulesumina ukuti ifyo balandile fya cine?
Tulomfwa amalyashi ayengi ayalanda pa fyabipa ifilecitika pamo nga:
Amalwele ne fikuko
Amasanso ayakalamba
Insala no bupiina
Ifyo isonde lileonaulwa e lyo no kwaluka kwa miceele
Ubunkalwe na mafisakanwa
Inkondo
Ukwabula no kutwishika, tulafwaisha icalo icisuma umukaba:
Abantu ababa no bumi ubusuma
Abantu abacingililwa kabili abakalaikala umutende
Ifya kulya ifingi
Imiceele iisuma na menshi e lyo no mwela ifya busaka
Umulinganya
Umutende
Bushe icalo icisuma e cinshi?
Cinshi cikacitikila cino calo ico twikalamo pali ino nshita?
Finshi tufwile ukucita pa kuti tukekale mu calo icisuma?
Luno Ulupungu lwa kwa Kalinda lwalalondolola ifyo Baibolo ya-asuka aya mepusho e lyo na mepusho yambi.