‘Abanakashi Bafwile Ukucindikwa’

Umukashana wa myaka 17 uwaba pa kolegi imo iya ku India ali pa balecimfyanya ifya kulanda bwino ku cintubwingi. Abateyenye uku kucimfyanya lisukulu line alesambililapo. Ena afumishe ifyebo apekenye ukulandapo muli Loleni! uwaleti ‘Abanakashi Bafwile Ukucindikwa,’ uwa July 8, 1992.

Umutwe wa fyebo apekenye ukulandapo waleti ‘Abanakashi—Bushe Balicindikwa Pali Leelo?’ Cinshi catumbwike muli ifi fyebo? Atila, “Nalicimfishe no kupoka icilambu ca kubalilapo. Ndetasha nga nshi magazini wa Loleni!” Akonkenyepo ukusosa ati, “Loleni! ilaafwa sana imisepela pamo nga ifwe pantu ilatusambilisha no kutweba ifilecitika. Kabili ilatweba ifya kupwisha amafya ya muli cino calo.”

Bushe namuipakisha ukubelenga uno Loleni!? Ico Loleni! alembelwa kusambilisha aba mu ng’anda bonse, te kusambilisha fye abaice iyo. Uyu magazini alakolobonda mu milandu no kulanga ico ifilecitika ndakai ficitikila. Uwa Cibemba alembwa umuku umo mu myeshi itatu. Mukabelenge no ukakonkapo!