Ibula 2

Ukukusha Bwino Abana

Ilyo abafyashi balelolesha umwana wabo uwafyalwa, tabatontonkanyapo ukuti bushiku bumo akafuma pa ng’anda. Lelo icishinka ca kuti, mu kupita kwa nshita umwana akakula no kutendeka ukuikalila. Ifi fine e fyo Lesa afwaya ukuti cibe, pantu Baibolo itila, ‘umwaume akasha wishi na nyina.’ (Ukutendeka 2:24) Kwena no mwanakashi wine alasha wishi na nyina.

Lelo ubushiku ilyo umwana alefuma pa ng’anda, abafyashi abengi balasakamikwa. Balaipusha abati, ‘Bushe nalikusha fye bwino umwana?’ ‘Bushe akatwalilila ukubomba incito, ukusunga bwino ing’anda, no kwishiba bwino ifya kubomfya indalama?’ Ne cacindama sana ico baipusha ca kuti, ‘Bushe akatwalilila ukuba ne mibele isuma iyo twamusambilishe?’—Amapinda 22:6; 2 Timote 3:15.

Ino Loleni! yalalanga abafyashi ifyo Baibolo ingabafwa ukukusha bwino abana.