Icipande 2

Ishibeni Yehova no Kumubombela

Finshi ifyaba mu mabuuku ya bakasesema 12 ifingatwafwa ukufwaya ukwishibilako na fimbi pa fyo Yehova aba? Mulandu nshi ubukombe bwa kwa Yehova ubo aba bakasesema balandile bwacindamina pali ino nshita? Ilyo mulesambilila amasambililo yali mu Fipandwa 4 ukushinta ku 7 muli cino citabo, muli no kumona ifyo mulingile ukulapepa Lesa ne fyo mulingile ukulakonka amafunde yakwe. Ica kumwenako fye, bushe Lesa afwaya ukuti mulecita shani pa kuti mube no mulinganya ilyo muleikala na bantu bambi? Kanshi muli no kumona ukuti aya mabuuku 12 aya busesemo kuti yamwafwa mu bumi bwenu na muli shino shine nshiku.