Mulekoseleshanya

1. Ilyo tulekoseleshanya

Ukubombela Yehova,

E lintu tutemwana nga nshi;

No kuba baikatana.

Ukutemwana twatemwana

Kulenga tushipikishe.

Mu cilonganino twabamo,

E mo tusango bucingo.

2. Mashiwi ya kukoselesha

Yalasansamusha nga nshi!

Abatweba aya mashiwi

Banensu abatutemwa.

Cisumo kubombela pamo

Na bakapepa banensu!

Shi natulekoseleshanya

No kwafwana ifisendo.

3. Ubushiku bwa kwa Yehova

Nabupalamina nga nshi.

E co twileko kulongana

Pa kuti tube mu cine.

Shi natutwalilile bonse,

Ukubombela Yehova.

E co natukoseleshanye

Pa kuti twikanenuka.