ULWIMBO 57
Ukushimikila ku Bantu Aba Misango Yonse
1. Tufwaya ukupashanya Lesa
’Kukanaba na kapatulula.
Afwaya bonse bakapusuke;
Alapokelelo muntu onse.
(KORASI)
’Cacindama ku muntu
Mutima te pa menso.
Tubile cebo ku bantu bonse.
Kutemwa e kulenga
Tulebashimikila:
“Bakabe fibusa fya kwa Lesa.”
2. Te mulandu no ko twabasanga
Nangu ifyo bengalamoneka.
Icacindama mutima wabo
Ne fyo Yehova Lesa bamona.
(KORASI)
’Cacindama ku muntu
Mutima te pa menso.
Tubile cebo ku bantu bonse.
Kutemwa e kulenga
Tulebashimikila:
“Bakabe fibusa fya kwa Lesa.”
3. Yehova ’lapokelela bonse
Abashe fintu ifya mu calo.
Imbile yi e yo tubilisha
Ku bantu aba misango yonse.
(KORASI)
’Cacindama ku muntu
Mutima te pa menso.
Tubile cebo ku bantu bonse.
Kutemwa e kulenga
Tulebashimikila:
“Bakabe fibusa fya kwa Lesa.”
(Moneni na Yoh. 12:32; Imil. 10:34; 1 Tim. 4:10; Tito 2:11.)