Esekiele Ubumi Bwakwe Ne Fyalecitika Pali Ilya Nshita

Ishina lya kuti Esekiele lipilibula ukuti “Lesa Alakosha.” Nangu ca kuti mu masesemo ayengi ayo aseseme mwali ukusoka, ifyo yalandapo sana fyalilingana no bupilibulo bwe shina lyakwe kabili filakosha icitetekelo ca bafwaya ukupepa Lesa mu nshila iyasanguluka.

BAKASESEMA ABALIKO PA NSHITA IMO INE NA ESEKIELE

• 

  YEREMIA,

  afyalilwe mu lupwa lwa bashimapepo, kabili alebombela sana mu Yerusalemu (647-580 B.C.E.)

• 

  HULDA

  ali kasesema pa nshita basangile ibuuku lya Mafunde mwi tempele nalimo mu mwaka wa 642 B.C.E.

• 

  DANIELE,

  afyalilwe mu lupwa lwa ku bufumu mu mukowa wa baYuda, bamusendele ku Babiloni mu mwaka wa 617 B.C.E.

• 

  HABAKUKI

  afwile ali kasesema mu Yuda ilyo fye Yehoyakimu atendeke ukuteka

• 

  OBADIA

  aseseme ifyabipa ifyali no kucitikila umusumba wa Edomu, nalimo pa nshita umusumba wa Yerusalemu waonawilwe

NI LILALI BASESEME? (IMYAKA YONSE YA MU B.C.E.)

IFIKALAMBA IFYACITIKE ILYO ESEKIELE ALI NO MWEO (IMYAKA YONSE YA MU B.C.E.)

1. c.643: Afyalwa

2. 617: Bamusenda ku Babiloni mu kuyaba nkole

3. 613: Atendeka ukusesema; amona icimonwa ca kwa Yehova

4. 612: Amona icimonwa ca busangu pe tempele

5. 611: Atendeka ukubilisha ifyabipa ifyali no kucitikila Yerusalemu

6. 609: Umukashi afwa kabili batendeka ukushinga Yerusalemu pa muku wa kulekeleshako

7. 607: Aumfwa ilyashi lya kuti Yerusalemu nabayonaula

8. 593: Amona icimonwa ce tempele

9. 591: Asobela ukuti Nebukadnesari ali no kusansa Egupti; apwisha ukulemba

IMFUMU SHA MU YUDA NE SHA MU BABILONI

1. 659-629: Yoshia aletungilila ukupepa kwasanguluka, lelo alifwile ilyo alelwa na Farao Neko

2. 628: Yehoahasi tatekele bwino pa myeshi itatu kabili balimwikete kuli Farao Neko

3. 628-618: Yehoyakimu ali imfumu iyabipa kabili atendeke ukubombela Farao Neko

4. 625: Nebukadnesari acimfya abashilika ba bena Egupti

5. 620: Nebukadnesari asansa Yuda pa muku kwa kubalilapo kabili atendeka ukutungulula Yehoyakimu mu Yerusalamu

6. 618: Yehoyakimu apondokela Nebukadnesari, lelo cimoneka kwati afwile ilyo abena Babiloni basanshile Icalo ca Bulayo pa muku walenga bubili

7. 617: Yehoyakini uo baleita no kuti Yekonia ali ni mfumu iyabipa kabili atekele imyeshi itatu lyena alicimbile kuli Nebukadnesari

8. 617-607: Sidekia imfumu iyalecita ifyabipa kabili iyaletiina abantu yatendeke ukubombela Nebukadnesari

9. 609: Sidekia apondokela Nebukadnesari, lyena Nebukadnesari asansa Yuda pa muku walenga butatu

10. 607: Nebukadnesari aonaula Yerusalemu, aikata Sidekia, amutonkola amenso, amusenda na ku Babiloni