AKABOKOSHI KAKUTWAFWA UKUSAMBILILA 9D
Amasesemo Ayalanda Pa Kuya Muli Bunkole Na Pa Kubwelela Ku Calo Cabo
Amasesemo ayengi ayalanda pa fyo abaYuda bali no kuyaba bankole mu Babiloni yalifikilishiwe na pa muku walenga bubili ilyo icilonganino ca Bena Kristu cali muli bunkole muli Babiloni Mukalamba. Moneni ifya kumwenako fimo.
1. UKUSOKA |
2. UKUYA MULI BUNKOLE |
3. UKUBWELELA KU CALO CABO |
|
|---|---|---|---|
IFYO YAFIKILISHIWE PA MUKU WA KUBALILAPO |
Ilyo Umwaka wa 607 B.C.E. Ushilafika—Esaya, Yeremia na Esekiele balisokele abantu ba kwa Yehova; na lyo line ubusangu bwaile bulefulilako |
Mu 607 B.C.E.—Yerusalemu bayonaula; abantu ba kwa Lesa babasenda ku Babiloni ukuyaba bankole |
Ukutula mu 537 B.C.E.—AbaYuda aba cishinka abashelepo babwelelamo ku Yerusalemu, bakuula itempele cipya cipya, batendeka no kupepa kwasanguluka na kabili |
IFYO YAFIKILISHIWE PA MUKU WALENGA BUBILI |
Mu Nshita ya Batumwa—Yesu, Paulo na Yohane balisokele aba mu cilonganino, lelo ubusangu bwaile bulefulilako |
Ukutendekela mu myaka ya ba 100 C.E. ne myaka yakonkelepo—Abena Kristu ba cine baba bankole muli Babiloni Mukalamba |
Ukutula mu 1919 C.E.—Ninshi Yesu alitendeka ukuteka, abasubwa aba cishinka bafuma muli Babiloni Mukalamba umo bali bankole kabili ukupepa kwasanguluka kwabako na kabili |