Insondwelelo Iisuma

Lukala Milandu 12:13, 14

IFILI MULI ILI ISAMBILILO: Ilyo mulesondwelela mulelanda ifingalenga abalekutika batemwa ifyo basambilila ica kuti balafwaisha no kulafikonka.

IFYO MUFWILE UKUCITA:

• Insondwelelo yenu ilingile ukwampana ne fyo mwacilalandapo. Mulebwekeshapo ukulanda ifishinka fikalamba no mutwe we lyashi.

• Mulelenga abalekutika balafwaisha ukucitapo cimo. Mulelanga abalekutika ifyo balingile ukucita, kabili mulebeba ico balingile ukulacitila ifyo fintu. Ilyo mulelanda balingile bamona ukuti namushininkisha ifyo mulelanda kabili ifyo mulelanda naficindama.

• Muleipifya insondwelelo kabili mulelanda fye amashiwi ayayanguka. Ilyo mulesondwelela mwilalanda pa fishinka ifikalamba ifyo mushilandilepo. Pa kukoselesha abantu ukucitapo cimo, mulelanda fye amashiwi ayanono.