Ukubika Amano ku Bantu

Ifyo Yesu Acitile

VIDIO: Yesu no Mwanakashi pa Cishima

1. Tambeni VIDIO, nelyo belengeni Yohane 4:​6-9. Lyena lanshanyeni amepusho yakonkapo:

1. Cinshi Yesu amwene ilyo ashilatendeka ukulanshanya no mwanakashi?

2. Yesu atile: “Mpeelako amenshi ya kunwa.” Cinshi twingalandila ukuti iyi yali ni nshila iisuma iya kutendekelamo ukulanshanya no mwanakashi?

Finshi Tulesambililako Kuli Yesu?

2. Kuti twalanshanya bwino no muntu nga twatendekelapo ukulanda pa fyo alefwaya ukumfwa.

Mulepashanya Yesu

3. Mulealula ifya kulanda. Mwilafwaya fye ukulanda pa fyo mwacipekanya. Mulebalilapo ukulanda pa fyo abantu balefwaya ukumfwa. Yipusheni amuti:

1. ‘Finshi balelandapo sana pa milabasa?’

2. ‘Finshi abena mupalamano, abo momba nabo nelyo abo nsambilila nabo balelandapo sana?’

4. Mulebikako amano. Yipusheni amuti:

1. ‘Bushe umuntu nasanga finshi alecita? Finshi nalimo aletontonkanya?’

2. ‘Bushe ifyo umuntu afwele, ifyo alemoneka ne fyo pa ng’anda palemoneka filelanga finshi pa fyo asuminamo nelyo intambi akonka?’

3. ‘Bushe ino ni nshita iisuma iya kulanshanya no yu muntu?’

5. Mulekutika.

1. Mwilalandapo sana.

2. Mulekoselesha uo mulelanshanya nankwe ukuti alelanda ifyo aletontonkanya. Nga nacilinga kuti mwamwipusha amepusho.