NGA MWABWELELAKO
ISAMBILILO 9
Ukulangulukilako
Ishinte lye funde: “Sekeleleni pamo na basekelela; lilileni pamo na balelila.”—Rom. 12:15.
Ifyo Yesu Acitile
1. Tambeni VIDIO, nelyo belengeni Marko 6:30-34. Lyena lanshanyeni amepusho yakonkapo:
Cinshi Yesu na basambi bakwe balefwaila inshita ya kuti “babe beka”?
Cinshi calengele Yesu ukuti atendeke ukusambilisha abantu?
Finshi Tulesambilila Kuli Yesu?
2. Nga tulelangulukilako abantu tukalababikako amano ukucila ukubika fye amano ku kubasambilisha.
Mulepashanya Yesu
3. Mulekutikisha. Muleleka umuntu ailandila ifyo aleumfwa. Mulemubikako amano kabili mwilamucilima ilyo alelanda pa fimusakamike. Nga mulecita ifi ninshi mulemulanga ukuti mwalibika amano ku fyo atontonkanya.
4. Muletontonkanya pa muntu uulefwaya ukukutika. Ukulingana ne fyo mwalanshenye, yipusheni amuti:
‘Cinshi alefwaila ukwishiba icine?’
‘Bushe ukusambilila Baibo kuti kwalenga shani ifintu fyamuwamina?’
5. Mulelanda pa fingamwafwa. Mulingile ukwangufyanya ukumulanga ifyo ukusambilila Baibo kwingalenga asanga amasuko ku mepusho akwata e lyo ne fyo kwingamwafwa.