Umusango wa Kutemwa Uwapulamo Sana

ILINGI sana mu Amalembo ya Bwina Kristu aya ciGriki, nelyo Icipingo Cipya, ishiwi lya kuti “ukutemwa” lyafuma kwi shiwi lya ciGriki a·gaʹpe.

Ilyo icitabo ca Insight on the Scripturesa cilelondolola ubupilibulo bwa ilyo ishiwi, cisoso kuti: “[A·gaʹpe] te cintu cibalamuka fye, pa mulandu wa kutemwa fye umo, nge fyo abengi batontonkanya, lelo kutemwa kwashimpwa pa fishinte nelyo ukwa kutemwa abantu bonse pa mulandu wa kuti e fyo mulefwaya pantu e fyo mwasuminamo, e fyo mulingile ukucita, kabili e fyalinga ukucita, ukufwaya ifingawamina bambi pantu e calungama ukucita. A·gaʹpe (ukutemwa) kulenga umuntu ukutemwa bambi nangu balwani, takulenga umo ukuleka ifishinte fyalungama no kubwesesha ububi pa bubi.”

Muli a·gaʹpe musansha ne fyo muleumfwa ku mutima. Umutumwa Petro akonkomeshe ati, “temwaneni nga nshi.” (1 Petro 4:8) Kanshi kuti casoswo kuti a·gaʹpe isanshamo umutima na matontonkanyo. Mukwai kuti mwamona amalembo yamo ayalanga amaka ya uku kutemwa kwapulamo na bo mulingile ukutemwa. Amalembo yakonkapo kuti yamwafwa ukucite fyo:—Mateo 5:43-47; Yohane 15:12, 13; Abena Roma 13:8-10; Abena Efese 5:2, 25, 28; 1 Yohane 3:15-18; 4:16-21.

[Futunoti]