Cinshi Baibolo Isambilisha?
Bushe pa calo pakatala apaba umulinganya?
Bushe kuti mwatila?
Ee
Awe
Nalimo
Ifyo Baibolo ilanda
“Ninjishiba ukuti Yehova akasoselako uwacushiwa, akapingwila na balanda.” (Amalumbo 140:12) Ubufumu bwa kwa Lesa bukalenga pa calo pakabe umulinganya.
Finshi fimbi ifyo tusambililako ku fyo Baibolo ilanda?
Lesa alamona akapaatulula akaba pa calo kabili akawamya ifintu.—Lukala Milandu 5:8.
Pa calo pakaba umutende ilyo Lesa akafumyapo akapaatulula.—Esaya 32:16-18.
Bushe Lesa alitemwa imitundu ya bantu bamo ukucila imbi?
Abantu bamo basumina ukuti kwaliba abantu abo Lesa atiipa e lyo nabo apaala, lelo bambi basumina kuti Lesa amona abantu bonse ukutila baba fye cimo cine. Muletipo shani?
Ifyo Baibolo ilanda
“Lesa taba na kapaatulula, lelo umuntu uwa mu luko lonse uutiina Lesa no kucita icalungama alapokelelwa kuli ena.” (Imilimo 10:34, 35) Lesa amona ukuti abantu bonse baba fye cimo cine.
Finshi fimbi ifyo tusambililako ku fyo Baibolo ilanda?
Muli Baibolo mwaliba “imbila nsuma” ku “nko shonse na ku mitundu yonse na ku ba ndimi shonse na ku bantu bonse.”—Ukusokolola 14:6.