Tukalasambilila Icitabo ca Insansa sha Lupwa

Mwalaba aba nsansa ukwishiba ukuti ukutendeka no mulungu wa October 6, 1997, tukalasambilila icitabo ca Icaba Inkaama ku Nsansa sha Lupwa pe Sambililo lya Citabo pa Cilonganino. Takuli nangu umo uukafwaya ukupuswa isambililo lye bumba muli ici ca kutungulula ca mu Malembo icibomba ku bumi bwa lupwa ubwa nsansa. Amasambililo yakatantikwa mu nshila ikasuminisha ukubebeta paragrafu uuli onse ne lembo lya mu Baibolo mu citabo mu kufikapo.

Tukasambilila icipandwa ca kubalilapo conse mu mulungu wa kutendekelako uwe sambililo, apantu cikwetemo fye amalembo yashambwilwe ayanono. Pa mulandu umo wine, tukasambilila icipandwa 15 pa nshita imo. Nangu cibe fyo, ifipandwa fyonse fimbi fikaakanishiwa mu fiputulwa fibili, ukulasambilila ukufika mupepi na pa kati ka cipandwa cimo cimo cila mulungu. Muli ifyo, kukabako inshita yakumanina iya kubelenga no kulanda pa malembo yonse ayaloshiweko pamo pene no kubebeta mu kusakamanishisha ifyo twingabomfya amalembo yonse ayambwilwe muli paragrafu umo umo.

Ulubali lwacindama ulwe sambililo lukaba kulanshanya ifyebo mu mukululo wa kwaafwo kusambilisha pa kusondwelela kwa cipandwa cimo cimo. Kanshi, inshita ikalamba ifwile ukupeelwa iya kwipusha ifipusho no kulanda pa malembo yaloshiweko mu mukululo.

Bakatungulula ba Masambililo ya Citabo pa Cilonganino balecincishiwa ukusakamanishisha ilyo balepekanishisha isambililo no kukoselesha bonse abapeelwa kwi bumba lyabo, ukusanshako na bapya, ukupekanya bwino, ukusangwako lyonse no kulandapo.—om-CW 74-6.