“Ni Ani Aletuila?”

Lintu Yehova aipwishe ici cipusho, Esaya apo pene fye ayaswike ati: “Moneni, Ine; Ntumeni.” (Esa. 6:8) Pa mulandu wa kuti ukulobolola kukalamba ilelo, ubwite bumo bwine bulebwekeshiwapo na lelo. Bakabomba ba nshita yonse abafulilako—bapainiya ba nshita yonse—balekabilwa mu kwangufyanya! (Mat. 9:37) Bushe muli abaitemenwa ukubombako? Nga muli abaitemenwa, September 1, ukutendeka kwa mwaka wa mulimo uwa 1998, kuti aba ni nshita yawamisha ukulembesha pamo nga painiya. Mulandu nshi te kwebela baeluda ukumupeelako formu wa kwipushishapo?