Umukululo wa Fipusho

◼ Cinshi cingacitwa pa kuti ukulongana kulewaminako?

Bamo napamo batontonkanye fyo ni ncito ya baeluda fye na babomfi batumikila ukushininkisha ukuti ukulongana kwaenda bwino pantu e batungulula no kupeela amalyashi ayengi. Lelo, ifwe bonse pa lwesu kuti twalenga ukulongana ukuwama no kubo kwa kunonsha. Pano pali ifyo twingacita 10 ku kulenga ukulongana ukuwama:

Pekanishisheni libela. Nga twapekanya bwino, tulasendwa no kulongana. Bonse nga twapekanya, ukulongana kukalakaba no kukuulilila nga nshi. Sangweniko lyonse. Abengi nga basangwako cilakoselesha bonse abasangilweko, ukukosha ukutasha ubucindami bwa kusangwako. Bangilileni. Nga natufika ilyo ukulongana kushilatendeka, kuti twaimbako ulwimbo lwa kwiswila no kusangwa kwi pepo muli fyo ukunonkelamo nga nshi mu kulongana. Ipangasheni bwino. Nga twasenda Baibolo ne mpapulo shimbi ishilebomfiwa ku kulongana, kuti tulekonkamo no kumfwikisha icilelandwapo. Sengaukeni ukupumfyanya. Kuti tuleumfwikisha bwino nga twaikala ku ntanshi. Ukutepeleshanya no kuya ku cimbusu libili libili kuti kwatupumfyanya no kupumfyanya bambi. Muleyasukapo. Lintu fwe bengi twaimya amaboko no kwasukapo, abengi balakoseleshiwa no kukuulililwa ku kulumbulula kwa cisumino cesu. Ipifyeni ifyasuko. Ici cilenga na bambi ukwasukapo. Ifyasuko fyesu ifipi filingile ukushimpwa pa filesambililwa. Fikilisheni imbali. Nga muli mu Isukulu lya Butumikishi bwa Teokrasi nelyo mu Ukulongana kwa Mulimo, pekanyeni bwino, pitulukenimo, kabili esheni ukufikilisha. Tasheni abaciba na malyashi na bacasukapo. Ebeniko bambi ifyo mutasha ukubombesha kwabo. Ici cilabakuulilila no kubakunta ukuti bakawamyeko ku ntanshi. Koseleshanyeni. Ukuposha kwa cikuuku no kulanshanya kwa kukuulilila pa ntanshi na pa numa ya kulongana kulalundako ubusuma no bunonshi tumwenamo mu kusangwa ku kulongana.