Tambikeni Icitabo ca Insansa sha Lupwa ku Bantu ba Mishinku Yonse
1 Kalume wa myaka 11 ku California alitashishe pa lwa citabo ca Icaba Inkaama ku Nsansa sha Lupwa. Alembele ati: “Ndetasha pa lwa cene, no kukoselesha indupwa shimbi ukubelenga ici citabo pantu caliwamisha. Cileafwilisha ulupwa lwesu ukusanga umutende ne nsansa mu ng’anda.” Ica kukumanya ca uyu wacaice cilingile ukutukoselesha ukutambika icitabo ca Insansa sha Lupwa ku bantu ba mishinku yonse. Pano pali mitubululo inono mwingesha mu butumikishi bwenu mu February.
2 Lintu mwakumanya uwacaice, kuti mwatila:
◼ “Abacaice banobe abengi balefwaya ukuupa nelyo ukuupwa. Lelo ni kwi wingasanga ubutungulushi busuma? [Lekeni aasuke.] Ilingi abacaice batila tabaishininkisha nga baliipekanya ku cupo. Leka nkulange fintu ici citabo cilanda pa lwa ili lyashi.” Kupukuleni pe bula 14 mu citabo ca Insansa sha Lupwa, no kubelenga paragrafu 3. Lyene mulangisheni utumitwe tunono mu cipandwa. Tambikeni icitabo, no kutantika ukubweela.
3 Lintu mulelanda no mufyashi, kuti mwatila:
◼ “Tulelanshanya na bafyashi ifyebo fibomba mu kukusha abana. Fyalilembwa muli ici citabo ca Icaba Inkaama ku Nsansa sha Lupwa.” Kupukuleni pe bula 55. Belengeni paragrafu 10, konkanyeni na Amalango 6:6, 7, mu paragrafu 11. Lyene landeni pa mashiwi ya filembo fipindeme mu maparagrafu 12 ukushinta 16. Twalilileni ukulanda ukuti: “Ici citabo calyafwilisha abengi ukuba abafyashi basuma. Nga kuti mwatemwa ukucibelenga, kuti namushiila.” Mwebeni umusangulo.
4 Lintu mulelanda ku mukoloci, kuti mwatila:
◼ “Nga nabelenga utu tumashiwi tunono, munjebe ico mwalatontonkanyapo.” Kupukuleni icitabo ca Insansa sha Lupwa pe bula 169, no kubelenga basentensi ba kubalilapo babili mu paragrafu 17. Lyene bepusheni ifyo bengasuka. Kuti mwabelenga amashiwi yalundwako ukufuma mu citabo ilyo tamulacitambika, ukushintilila pa casuko.
5 Lintu mulepempula abo mwashilile icitabo ca Insansa sha Lupwa, ibukisheni ukuyaesha ukutendeka isambililo lya Baibolo. Kuti calinga ukutendeka ne sambililo 8 muli broshuwa ya Cintu Lesa Afwaya nelyo icipandwa 15 mu citabo ca Ukwishiba. Pali ino nshita, lekeni tweshe ukwafwilisha abantu ba mishinku yonse ukukuula ubumi bwa lupwa lwa Bwina Kristu ubwa nsansa.