Ifya Kulanda Pali Bamagazini

Ulupungu lwa kwa Kalinda Mar. 15

“Bushe mutontonkanya ukuti ifyo Yesu asambilishe filabomba na lelo? [Lekeni basuke.] Ukwabula no kutwishika mulesuminisha ici cipope Yesu alandile pa bushiku bwakwe ubwa kulekeleshako. [Belengeni Yohane 15:12.] Bulya bwine bushiku Yesu alisambilishe amasambililo na yambi ayacindama. Ulu Ulupungu lwa kwa Kalinda lulelanga ifyo ifi fingatwafwa.”

Loleni! Apr.–Jun.

“Uyu Loleni! alelanda pa cintu ca bulanda icilecitika mu nshita yesu—abana ukuba bacilende. Baibolo yalilaya ukuti uyu musango wabipa uwa kucenda abana uli no kupwa nomba line. [Belengeni Amapinda 2:21, 22.] Uyu magazini alelanda pa filenga abana ukucendwa na fintu uyu musango ukafumishiwapo.”

Ulupungu lwa kwa Kalinda Apr. 1

“Ici cikope cilelanga ica kulya caishibikwa ukuti Umulalilo wa Kulekelesha. [Langeni inkupo ya magazini ku ntanshi na ku numa.] Bushe mwalishiba ukuti e cintu fye cimo ico Abena Kristu baebwa ukulaibukisha? [Lekeni basuke. Lyena belengeni Luka 22:19.] Uyu magazini alelondolola umulandu ici cibukisho cacindamina ne fyo camukuma.”

Loleni! Apr.–Jun.

“Abacaice abengi balakopela mu masukulu pa kuti bakwate amatoni ayengi. Bushe mwalishiba ukuti ukucita ifyo na ko bupupu? [Lekeni basuke. Lyena belengeni Abena Efese 4:28] Uyu magazini alelondolola icilenga abacaice ukukopela no mulandu cabelamo amano ukukanakopa.”